Umani ng sari-saring reaksiyon ang mga seksing larawan at video ni KC Concepcion, 34, na ipinost nito sa kanyang Instagram account.
Ang recent Instagram posts ni KC ay kuha sa beach sa Boracay Island.
Nitong weekend, nagtungo si KC sa kilalang tourist destination sa Aklan para sa beach wedding ng mga kaibigan niyang sina Jay-R at Mica Javier.
Sina Jay-R at Mica ay ikinasal nitong linggo, March 1.
Hindi naman pinalampas ni KC ang pagkakataong mag-enjoy sa dagat.
Kasabay nito ang pagpu-post niya ng mga larawan at video sa Instagram.
Nakaagaw ng pansin sa maraming netizens ang magandang hubog ng katawan ni KC, suot ang one-piece copper swimsuit.
Kuha ang mga ito habang nakasakay si KC sa isang bangka na nasa gitna ng dagat.
NETIZENS' REACTION
Sa comments section ng posts ni KC, sunud-sunod ang reaksiyon ng kanyang Instagram followers.
May ilang netizens na nagkomentong akala nila ay si Karla Estrada ang nasa larawan at video.
Pero positibo ang sagot ni KC dito.
Aniya, flattered siyang mapagkamalang si Karla dahil maganda ang ina ni Daniel Padilla.
Marami rin sa mga nagkomento ang bumatikos kay KC.
May mga nadismaya dahil masyado raw mapangahas ang mga larawang ipinost ni KC.
Tanong ng ilang netizens: ano ang gustong patunayan ni KC sa kanyang “suggestive & seductive poses and expressions”?
Marami rin sa kanila ang nagkomentong mas gusto nila ang dating simpleng KC.
Narito ang ilan sa mga komentong hindi pumapabor sa mga post ni KC na masyado raw sexy:
Pero marami ring netizens at tagahanga ni KC ang pumuri sa aktres.
Para sa kanila ay sexy at maganda raw si KC.
Narito ang ilan sa mga komento nila:
