Naisantabi muna ang sinasabing network rivalry ng Kapuso at Kapamilya stars sa pag-aalalang ipinakita para kay Kim Chiu.
Matatandaang pinagbabaril ang sinasakyang van ni Kim nitong umaga ng Miyerkules, March 4, habang bumabagtas sa Katipunan Avenue, Quezon City.
Bagama't walang nasaktan kina Kim at sa mga kasama niya personal assistant at driver, shock at takot para sa kanilang buhay ang kanilang naramdaman matapos nilang makaligtas sa walong balang lumagos sa loob kanilang sasakyan.
Samantala, nag-post naman ng kanilang pag-aalala, suporta, at dasal ang ilang Kapuso stars para kay Kim.
Kabilang sa mga GMA-7 artists at ilan pang celebrities na nagpadala ng mensahe kay Kim ay sina Megan Young, Kris Bernal, Angelika dela Cruz, Shaira Diaz, Valeen Montenegro, Myrtle Sarroza, Marvin Agustin, Aiko Melendez, Mark Bautista, Teresa Loyzaga, Agot Isidro, Cherry Pie Picache, Kris Lawrence, Candy Pangilinan, Valerie Concepcion, at Yayo Aguila.