Isang madamdaming mensahe ang inihandog ni Ruby Rodriguez para sa kanyang nakatatandang kapatid na si Dr. Salvacion “Sally” Rodriguez Gatchalian.
Ngayong umaga ng Huwebes, March 26, kinumpirma ng Eat Bulaga! host ang pagkamatay ng kanyang Manang Sally dahil sa COVID-19.
Tanging magagandang alaala ang gustong baunin ni Ruby matapos sumakabilang-buhay ang kapatid na doktora.
Nag-post si Ruby sa Instagram ng complete family picture nila ngayong Huwebes.
Kuha raw ito nitong nakaraang Pasko.
Simula ni Ruby (published as is): “My sister, Manang sally, this is our Christmas 2019 family picture.
“Finally were complete.”
Inisa-isa ng TV host-actress ang magagandang alaala niya sa kapatid.
“We will only remember you with Happy memories, laughing and sleeping, your johnson outfits and all, how u love bling bling, your Kuaff hair everday, your Kdrama addiction ( u got me hooked up too) i will make u kwento what i have seen last, our sunday lunches, our ‘bonding trips’ that you and I only do( other siblings kasi nasa US) lots of happy and fond memories!
“I love you so much my big sister [heart emojis] smile say hi to Mom Dad and manong robert.
“Be at peace do not worry about us anymore. Have fun in heaven! Love you so much!!!”
CELEBRITIES EXTEND THEIR CONDOLENCES
Sa comments section, bumuhos ang pakikiramay kay Ruby.
Kabilang na rito ang mga kasamahan niya, noon at ngayon, sa Eat Bulaga!, na sina Joey de Leon, Patricia Tumulak, Aicelle Santos, Sam YG, at Pia Guanio.
Nakiramay rin sina Judy Ann Santos, Danica Sotto, Rhea Santos, Arlene Muhlach, Alessandra de Rossi, Gretchen Ho, Angeline Quinto, at Krista Ranillo.
RUBY CLARIFIES FAKE NEWS ABOUT SISTER
Noong March 21, Sabado, nag-tweet si Ruby tungkol sa fake news na pumanaw na ang kanyang kapatid.
Isang netizen kasi ang nag-tweet ng maling impormasyon sa kalagayan ng kapatid ni Ruby.
Inamin din ni Ruby na nag-aalala na sila sa kalagayan ni Dr. Sally, na inilarawan niyang “weak but stable.”
Paglilinaw noon ni Ruby via Twitter: “I have been quiet all this time about Dr Sally Gatchalian status.
“Yes she is my sister.
“Yes she is confined.
“Yes we all are praying and scared.
“But when Fake News spreads and people texting me Condolences.
“I Ask Please She is fighting! She is weak but stable. Please [praying emojis]”
Makalipas ang ilang araw, binawian na rin ng buhay ang doktorang ate ni Ruby.