Labis na ipinagluluksa ng kanyang pamilya ang hindi inaasahang pagpanaw ni Dr. Cenover Nicandro "Nicko" Bautista, 32.
Si Dr. Nicko ay isa sa walong pasahero ng Lionair Flight RPC 5880, na nag-crash sa runway 24 ng Ninoy Aquino International Airport (NAIA), Linggo ng gabi, March 29.
Patungo sana ang aircraft sa Haneda, Japan, para sa isang medical evacuation o medevac.
Bukod kay Dr. Bautista, kasama ring nasawi ang isang American national, isang Canadian national, at lima pang Pinoy—isang flight medic, isang nurse, at tatlong flight crew.
Ang Lionair ay isang chartered flight company na pag-aari ni Archie Po.
Iba ito sa Lion Air ng Indonesia.
Ayon sa esquiremag.ph, plano ng Civil Aviation Authority of the Philippines ipasuspinde ang lahat ng flights ng Lionair matapos ng insidente kagabi.
Sangkot din ang Lionair sa dalawang fatal crashes na naganap nitong nakalipas na anim na buwan.
DR. BAUTISTA'S SISTER
Sa Facebook, nagbigay-pugay ang dating bokalista ng bandang Paramita na si Ria Bautista sa pagpanaw ng kapatid na si Dr. Nicko.
Ayon kay Ria, hindi niya mailarawan ang pakiramdam ng mawalan ng kapatid sa isang kahindik-hindik na trahedya.
Saad ng singer-songwriter: “I lost my brother on that flight.
“No words can describe how devastating it is to lose a family member in such a horrific way.
“How do you process something like this. How.
“All I know is that he fought like a hero and I can only hope that his fight would not be in vain.
“RIP, Nicko. I love you my brother. I will honor you forever.”
PLM LOST TWO DOCTORS IN TWO WEEKS
Ikinalungkot din ng Pamantasan ng Lungsod ng Maynila (PLM) community ang pagpanaw ni Dr. Bautista.
Si Dr. Bautista ang pangalawang frontliner na graduate ng PLM-College of Medicine na binawian ng buhay sa gitna ng COVID-19 pandemic.
Ang isa ay si Dr. Israel Bactol ng Philippine Heart Center.
Mensahe ni PLM President Emmanuel Leyco sa Facebook kagabi:
“It is with extreme sadness that I inform you that PLM lost another one of its own while performing his sworn duty to save lives.
“Dr Nicko Bautista, a 2014 graduate of the PLM College of Medicine died in a medical evacuation flight that crashed earlier tonight at NAIAA airport en route to Haneda, Japan.
“Dr. Bautista is the 2nd PLM doctor that we lost in two weeks. Dr Israel Bactol died last week due to COVID 19 infection.”
DR. BAUTISTA'S LAST FACEBOOK POSTS
Ilang araw bago bawian ng buhay si Dr. Bautista, isang makahulugang mensahe ang ibinahagi niya sa Facebook noong March 21.
May titulo itong “WHEN YOU LIE. WE DIE.”
Nilalaman nito ang pakiusap ng medical frontliners sa mga taong magpapakonsulta sa mga ospital na huwag magsisinungaling upang hindi malagay sa peligro ang kalusugan ng mga frontliners.
Pahayag ni Dr. Bautista: “I stand with the medical community in honoring one of our fallen comrades in his battle with COVID-19.
“He was a frontliner who was fulfilling his line of duty.
“I’ve heard a lot of wonderful things about him and now he lost his life early, simply because a patient and the family did not bother to disclose their travel history.
“Just because they thought it was better to lie to their doctors.
“And because of that 1 lie, 1 has lost his life, while 38 more were quarantined, and a lot more unknown.
“Just because they thought it was better to lie.”
Mahigpit niyang pakiusap, “Consider your actions.
“We try our best to protect you from this horrid disease, but who will protect us?
“Kindly do your part.
“Stay at home.
“Don’t lie to your doctors.
“Check your privilege.”
Mensahe pa niya para sa kapwa PLM graduate na si Dr. Bactol, “May your soul rest in peace good doctor.
“We will continue the fight.
“#TeamOnePamantasan
“#FightCovid19
“#StayStrong
“#Frontliners
“#SoThatOthersMayLive”
Bago ito, nag-post din si Dr. Bautista noong March 18 ng kanyang reaksiyon sa balitang ilang senador ang sumailalim na sa COVID-19 testing.
Malinaw sa mensahe ng batang doktor ang pagkadismaya na mas nauna pa ang ilang pulitiko, samantalang silang mga frontliner ay hindi ma-test gayong ilan na sa kanilang mga kasamahan ang namatay dahil sa coronavirus.
Bahagi ng pahayag ni Dr. Bautista:
"When will we be first? When we start dropping like flies left and right? When there’s only a few left? When?
"Who will take our place when all of us fall ill because we couldn’t get tested early enough, cause there wasn’t any available testing kits?
"You? The people who sit in the comforts of your home, able to live out the months ahead with no worries in mind, since you were able to get tested, even tho it wasn’t part of protocol? Just so you can get peace of mind?
"Is it you, who’s going to be in the frontlines? Or are you just going there to show face and say that you were there?
"You thank us and say that you have immense gratitude to the people sacrificing in the frontlines of this dreaded disease, and yet you do this?"
Si Dr. Nicko ay nagdiwang noon lang Disyembre 22 ng kanyang 32nd birthday.