Pinapurihan ang police trainees na nagmamando sa checkpoint sa Barangay Paypayan, Oroquieta City, Misamis Occidental.
Tinulungan kasi nila ang isang 89-year-old na aleng nais tumawid sa checkpoint upang magbenta ng mga walis-tingting.
Bukod sa enhanced community quarantine, ipinagbabawal ngayon sa senior citizens ang paglabas dahil mas prone silang mahawa ng COVID-19.
Ngunit ang matanda ay nag-iisa pala sa buhay at nangailangang kumita para sa kanyang kakainin.
Pinaupo ng mga police trainee ang matanda, unang una.
Matapos nito ay binili pa ng isang trainee ang lahat ng paninda nitong walis-tingting.
Hindi pa nagkasya, binigyan nito ng face mask ang matanda, at pagkatapos ay ikinuha ito ng motorcab para makauwi nang maluwalhati.
Pinuri ang police trainees ng mga netizens.
Sa post ng PSFTP 02-2019 Misamis Occidental Team Oroquieta Facebook page noong April 4, ikinuwento rito kung ano ang nangyari sa pagitan ng police trainees at ang matanda.
Lahad sa post: “A[n] 89 year old woman passing the quarantine control point at brgy. Paypayan, Oroquieta City just to sell her broomsticks to gain money to be able to buy basic needs such as food.
“Police trainee RAYMON LENDIO who is undergoing FTX/OJT with kind heart, offered a chair for the woman to sit on, while interviewing the woman, he found out that the woman lives alone, and with good intention, he bought all of the broomsticks and give face mask and some food for the old lady and find a motorcab for the woman to ride home.
“PUBLIC SERVICE DOES NOT VARY ON AGE, SEX OR STATUS... IT IS GIVEN TO ALL WHO ARE IN NEED.
Ang ibig sabihin ng #PNPKAUBANMO ay "Philippine National Police (PNP) ay kasama mo."
Ang PSFTP naman ay Public Safety Field Training Program ng pulisya.
Napag-alaman na ang pangalan ng matandang babae ay Maria Daque Calo.
May mga netizen kasing nagtanong ng pangalan nito dahil nais nilang magpadala ng tulong.
Pinapurihan din ng Team Oroquieta at ni Mindanao Development Authority Secretary Manny Piñol ang asal ng police trainees.
Nagbubunying sinabi ni Piñol, na dating secretary ng Department of Agriculture, "Worthy of Emulation. This is Compassion In the Midst of Crisis."