Nagluksa ang mga mistah ni 2nd Lt. Vince Magbanua dahil sa daglian nitong pagpanaw noong Miyerkules, April 8.
Si Magbanua, 24, ay miyembro ng Philippine Military Academy (PMA) Alab-Tala Class of 2018.
Sa post ng PMA Alab-Tala Class of 2018 Facebook page, ikinalungkot ng kanilang batch ang pagpanaw ng batang-batang army officer.
Nakalagay sa post, “Our snappy salute to you, mistah!
“May your soul rest in peace, and may you find favor in the Lord.
“We know wherever you are, you are at peace. May the Lord's Light shine upon you.
“We didn't lose you, for we know you're always with us. You will forever be in our hearts, bok!
Si 2nd Lt. Vince Magbanua ay Platoon Leader/Executive Officer ng Weapons Company ng Headquarters Service Battalion, 48th Infantry Battalion ng 7th Infantry Division, na nakabase sa Doña Remedios Trinidad, Bulacan.
YOUNG PH ARMY OFFICER DIES
Sa pahayag ng Philippine Army sa pamamagitan ng kanilang Facebook page kahapon April 9, sinabi nilang ang ikinamatay daw ni Magbanua ay acute myocardial infarction.
Nakasaad sa statement, “On April 8, a young Philippine Army officer from the 7th Infantry Division died from Acute Myocardial Infarction, a medical term of heart attack, with Bronchial Asthma in Acute Exacerbation according to medical records.”
April 7 lamang nakaramdam ng hirap sa paghinga na may dry cough si Magbanua.
Dagdag pa sa kanilang pahayag, “On April 7, 2Lt Vince Dela Cruz Magbanua was experiencing difficulty of breathing with dry cough and was taken immediately to Norzagaray Municipal Hospital using a military ambulance.
“Magbanua was advised by the attending physician to undergo a 14-day quarantine after he was diagnosed with Acute Bronchitis.
“On April 8, around 3.45 p.m., Magbanua was rushed to Norzagaray Municipal Hospital due to difficulty of breathing and was declared dead on arrival by the attending physician.”
Kinuhanan na rin siya ng swab ng Bulacan Provincial Health Office upang ipadala sa Research Institute of Tropical Medicine (RITM) sa Muntinlupa upang masuri kung siya ba ay positibo o negatibo sa corona virus disease 2019 o COVID-19.
REMAINS CREMATED
Na-cremate na kahapon dina ng mga labi ni Vince sa Bernard De Guzman Funeral and Crematory sa Brgy Sta. Clara, Sta Maria, Bulacan.
Ang kambal naman nitong si 2nd Lt. Vico Magbanua ang kumatawan sa pamilya na nasa Davao City naninirahan.
Si 2nd Lt. Vico ay PMA graduate naman noon lamang 2019.
Ayon pa kay Philippine Army (PA) Spokesperson Col. Ramon P. Zagala sa kanilang statement: “The Philippine Army is saddened by the demise of 2nd Lieutenant Magbanua who had just started his military career.
“We will extend necessary assistance to his bereaved family at this difficult time.
“We will take precautionary measures based on the DOH guidelines whether Magbanua acquired the COVID-19 virus or not, and we are currently conducting contact tracing to all personnel which he interacted with, because we want to ensure that everyone in his unit is well taken cared of.”
LT. GENERAL GUILLERMO ELEAZAR
Sa pakikipag-usap ng PEP.ph (Philippine Entertainment Portal) kay Philippine National Police (PNP) Lt.General Guillermo Eleazar ngayong araw, April 10, sinabi niyang ang lahat ngayon ng mga pulis at mga kawal ay frontliners.
Text ni General Eleazar sa PEP: “Lahat sila ay frontliners pero di naman lahat sila ay naka-deployed. May kanya-kanyang trabaho ‘yan.
“Yung iba ay support to operations. Meron ding reserve force.”
Bukod sa pagiging third in command sa PNP, si General Eleazar din ang pinuno ng Task Force COVID Shield na nagsasaayos sa mga checkpoints sa buong Luzon.
“REST IN PEACE VINCE”
Ayon naman sa Scout Ranger at public servant na si Harold Cabunoc, naging frontliners ngayon ang mga miyembro ng pulisya at militar dahil iniatas sa kanilang tulungan ang local government units (LGUs).
Nakasaad sa kanyang post, “Pumanaw kahapon sa sakit na "Acute Bronchitis" si 2Lt Vince Magbanua (PMA Class 2018)ng Philippine Army.
“Sa nagdaang dalawang araw, nagpakonsulta sya sa doktor dahil sa naramdamang dry cough at hirap sa paghinga, ngunit pinauwi sya pagkatapos mabigyan ng gamot. Sa sumunod na araw nahirapan pa rin sa paghinga kaya dinala uli sa doktor ngunit namatay na sya pagdating sa ospital. Wala pang kasiguruhan kung ano talaga ang tunay na sanhi ng kanyang kamatayan.
“Kagaya ng kanyang kambal na si 2Lt Vico Magbanua (PMA Class 2019), si Vince ay frontliner din sa ating kampanya sa laban kontra COVID 19. Ang ating mga kawal ay nabigyan ng misyon na suportahan ang LGU sa humanitarian assistance, quarantine checkpoint operations, at transport assistance.
“Ipagdasal natin ang kaligtasan ng lahat na frontliners natin kagaya ng mga sundalo, healthcare workers, social workers, at mga barangay officials na nagsusumikap para makontrol ang malawakang pagkalat ng Corona Virus sa ating bansa.
“Rest in peace, Vince!
“My hea(r)tfelt condolences to the bereaved family.”
“SO PROUD OF YOU”
Nalungkot man sa sinapit ng kapatid, proud ate pa rin si Alyzza Junett sa kanyang kapatid na si Vince.
Post niya sa Facebook noong April 8 ng gabi, “Tonight, we lost a beloved young man. He died serving his country. Still, our hearts are breaking.
“We don't know how else will we cope with the passing of our young, healthy, bright, handsome, promising, and wise boy.
“I love you, Vince. Ate has always been so proud of you.
“Vico Victor Mike, please keep safe. I love you, too.
“And I am so proud of you too. Please keep safe and stay strong.
“We are here for you. I love you.”
“KAUNTING RESPETO LANG…”
Nanawagan naman ang kambal niyang si Vico na huwag pangunahan ang test result ni Vince.
Pakiusap niya sa kanyang Facebook, “Maam/ Sir, with all due respect, wag po sana nating pangunahan ng maling balita ang lahat.
“Vince was already tested if he is Covid-positive.
“Sa ngayon po we are waiting kung ano po ang result ng test.
“And our family, especially Vince, will not be selfish para ipaalam po sa inyo ang resulta.
“Ipapaalam po namin kapag siya ay nag positive, ngunit sa ngayon po ay kaunting respeto lamang po ang hinihingi namin.
“Maraming salamat po.”
Nagpalit din siya ng kanyang profile picture kung saan makikita ang larawan nilang magkambal noong mga bata pa lamang sila.
Bumuhos naman dito ang pakikiramay kay Vico sa pagpanaw ni Vince.
“I LOVE YOU VINCE”
Kahit nakaramdam ng kalungkutan, saludo pa rin ang girlfriend ni Vince na si Valerie Louise Bravo.
Sabi niya sa post niya kagabi, April 9, “Our snappy 2LT Vince Dela Cruz Magbanua (Philippine flag emoji) So proud of you!”
Isa namang video ang ibinahagi niya kung saan nagvi-videoke ang nobyo.
Caption niya, “I miss you already. I love you Vince, always!!!"
Nagpalit din niya ng profile picture.
Sabi lang niya, “Vince (heart emoji)”