Love wins in the midst of the COVID-19 crisis.
Ito ang mensaheng namumutawi sa netizens matapos mag-post ang singer na si Rhap Salazar ng larawan niya kasama ang isang matipunong lalaki.
Noong April 6, tatlong throwback photos ang ipinost ni Rhap sa Instagram at Twitter.
Kuha ang mga ito sa isang beach.
Sa pangatlong larawan, kasama ng 24-year-old singer ang isang lalaking hindi niya pinangalanan.
Gayunpaman, base sa kanyang caption ay matutukoy na espesyal kay Rhap ang lalaki.
Tinukoy niya ito bilang kanyang “favorite person.”
Nami-miss na rin daw niya ito.
Caption ni Rhap: “Throwback to this wonderful place with my favorite person. Nakakamiss ang dagat [wave emoji].. at ikaw”
"SANA ALL" / "LOVE WINS"
Bumuhos naman ang mga positibong reaksiyon mula sa netizens.
Karamihan ng mga komento nila ay “sana all” at “love wins.”
RHAP REVEALS HE HAS A BOYFRIEND
Noong February 14, 2020, Araw ng mga Puso, ibinahagi ni Rhap sa unang pagkakataon ang estado ng kanyang love life sa pamamagitan ng social media.
Sa unang pagkakataon din ay inamin ng singer ang kanyang sexual orientation.
Nag-post siya ng larawan ng dalawang lalaking natalikod, magkaakbay, at nakatingin sa waterfall.
Matutukoy na ang lalaking nasa kaliwa ay si Rhap.
Makahulugang caption ni Rhap: “Today, let us celebrate LOVE [heart emoji].”
Noong February 27, nakipag-ugnayan ang PEP.ph (Philippine Entertainment Portal) kay Rhap via direct messaging.
Inamin niyang boyfriend nga niya ang kasamang lalaki sa larawan, ngunit nais daw niyang bigyan ng privacy ang relationship nila.
"I don't wanna tell more details po sana about my partner and our relationship.
"Gusto pa rin po namin ng privacy kahit papaano," mensahe ni Rhap.
Pero tila unti-unti nang nagbabago ang isip ni Rhap.
Handa na ba siyang isapubliko ang identity ng kanyang special someone?