Umabot na ng PHP246.28 billion ang budget ng gobyerno para maibsan ang COVID-19 crisis sa bansa.
Base ito sa fourth weekly report ni Pangulong Rodrigo Duterte sa Kongreso nitong Lunes, April 20.
Lumalabas na PHP56.457 million ang naidagdag sa naitalang PHP189.823 billion noong April 13.
Nadagdagan daw kasi ang collection mula sa savings ng iba't ibang ahensiya ng gobyerno.
Out of PHP246.28 billion, PHP148.933 billion na raw ang naipamigay sa "national government agencies" as of April 16.
Para pa rin ito sa COVID-19 response efforts.
Walang nakalagay na breakdown ng budget allocation sa fourth weekly report ng Pangulo.
Nabanggit lang na may additional cash allocation na PHP7.789 billion para sa "existing programs, projects, and activities" ng national government agencies.
BUDGET ALLOCATIONS AS OF APRIL 9
Pero noong nakaraang linggo, nakasaad sa ulat ni Pangulong Duterte kung paano hinati ang budget na PHP189.832 billion, as of April 9.
Base ito sa third weekly report ng Pangulo na naisapubliko noong April 13.
PHP100 billion ang ibinigay sa DSWD (Department of Social Welfare and Development)
PHP1.5 billion sa DOLE (Department of Labor and Employment).
PHP30,823,759,246 ang cash allocation para sa Bayanihan Grant na paghahatian ng local government units sa buong bansa.
Dito nanggagaling ang budget ng LGUs para sa cash assistance—mula PHP5,000 hanggang PHP8,000—na ipamimigay sa low-income households.
Para sa mga buwan ng Abril at Mayo ang ipinangakong emergency cash assistance, o kilala sa tawag na Special Amelioriation Program (SAP).
Sa kabuuan, PHP10,000 hanggang P16,000 ang matatanggap ng mga nasa low-income households.
As of April 9, nagluwal din daw ng additional cash allocations para sa mga sumusunod na government agencies para sa kanilang COVID-19 efforts:
PHP600 million para sa DOH (Department of Health).
PHP3,930,605,846 para sa DSWD.
PHP548,029,000 para sa DILG (Department of Interior and Local Government).
PHP53,230,732 para sa DOST (Department of Science and Technology).
PHP100 million para sa DOLE.
May nakasaad ding "allotment" na PHP468,960,000 para sa social pension ng senior citizens na magmumula sa DSWD.
Pero hindi malinaw kung naibigay na sa DSWD ang dagdag na budget, dahil hindi ito kasali sa bilang sa "cash allocation" column ng report.
Kung susumahin, ang total funds na naipamigay ay tinatayang PHP137,505,877,374 o PHP137.505 billion—as of April 9.
Ang natira sa pondo noon ay tinatayang PHP52,326,122,626.
WHERE SAVINGS CAME FROM
Sa fourth weekly report ng Pangulo nitong April 20, nabanggit ang naiambag na savings ng ilang government agencies para sa COVID-19 response efforts.
Sinertipakahan ng Bureau of Treasury (BTr) na may halagang PHP100.221 billion ang nakolekta mula sa government-owned o government-controlled corporations (GOCCs).
Nag-remit din daw sa BTr ang Land Bank of the Philippines (LBP) ng PHP8.8 billion mula April 9 hanggang April April 15.
May halagang PHP63.60 billion ang ni-remit ng LBP sa BTr noong April 1 hanggang April 8.
Ang Department of Energy ay nag-abot naman ng PHP159.3 million mula sa kanilang Energy Regulations Funds.
Si Pangulong Rodrigo Duterte ay binigyan ng special powers para gamitin ang mga nakolektang pondo bilang emergency funds sa panahon ng COVID-19 pandemic.
Kaugnay ito ng Bayanihan To Heal As One Act of 2020, ang batas na pinagtulungang ipasa ng Senado at Kongreso noong March 24, 2020.
Pirmado iyon ng Pangulo noong March 25.