Pumanaw na ang bunsong kapatid ni Allan K. na si Jun Quilantang.
Kahapon, May 14, ibinahagi ng Eat Bulaga! host ang malungkot na balita sa kanyang Instagram account.
Kalakip ang larawan ng kapatid at ng anak nito, nag-iwan ng mensahe si Allan K. para sa yumaong kapatid.
Saad niya: "The good Lord will take care of you in heaven. Rest well BUNSO. Your manong allan will always miss you.
"I love you so much. Ngayon pa lang name miss na kita eh......[crying emojis] bye for now.
"Regards to nanay and tatay in heaven...."
Hindi nagbigay ng detalye si Allan tungkol sa dahilan ng pagkamatay ng kanyang bunsong kapatid.
Sa comments section, umulan ng mensahe ng pakikiramay para sa comedian-TV host at sa pamilya nito.
Ang Buclod Band, na nakabase sa Bacolod City at kung saan dating miyembro si Jun, ay nagpaabot din ng mensahe ng pakikiramay para sa mga naiwan ng yumao sa pamamagitan ng kanilang official Facebook acount.