Kilalanin: Basketball player Kai Sotto, the next Pinoy Pride?
by Rommel R. Llanes Sa tangkad na 7-foot-2 at sa edad na 18, malaki ang potensiyal ng dating Ateneo Blue Eaglet na si Kai Sotto na maging susunod na Pinoy Pride.
Kakapirma lang ni Kai ng one-year development program sa NBA G League, ang minor league basketball organization ng NBA o National Basketball Association.
Ang NBA ang premiere basketball league ng Estados Unidos.
Sa NBA G League, mahahasa nang husto si Kai sa paglalaro ng basketball.
Makakasama niya sa isang select team ang American top-high-school basketball prospects na sina Jalen Green, Daishen Nix, at Isaiah Todd.
Sa kanyang social media accounts nung Huwebes, May 14, in-announce ni Kai ang pagpirma niya sa NBA G League.
Aniya, ang pagpirma sa G League ay daan tungo sa minimithing pangarap: ang makalaro sa professional league ng NBA.
Anak ng dating Philippine Basketball Association (PBA) player na si Ervin Sotto, si Kai ay nagsimulang gumawa ng sariling pangalan sa basketball nung 2018.
Ipinanalo ni Kai sa finals ng 2018 University Athletic Association of the Philippines Basketball Championship junior division ang team ng Ateneo de Manila High School Blue Eaglets.
Former Ateneo Blue Eaglets center Kai Sotto @kzsottolive (AJHS '19) signs with the #NBAGLeague. Congratulations and good luck, Kai! AMDG! https://t.co/iNkVoFJu47 pic.twitter.com/aTzYEQmNf8
— Ateneo de Manila (@ateneodemanilau) May 14, 2020
Ginawaran pa siya ng Most Valuable Player (MVP) award nung taong iyon at naging MVP uli nung sumunod na taon.
Naging bahagi rin si Kai sa Philippine team na naglaro sa FIBA U-17 World Cup nung 2018 at sa FIBA U-19 World Cup nung nakaraang taon.
Kinilala rin si Kai bilang All-Star at MVP ng Jr. NBA Philippine program nung 2016.
Siya ang unang Jr. NBA Philippines participant na nakapirma sa NBA G League at unang international player na pumirma rito.
