“I love her and I miss her so much.”
Nanggaling ang pahayag na ito kay KC Concepcion, 35, nang kamustahin tungkol sa relasyon nila ng inang si Sharon Cuneta, 54, ngayong may enforced quarantine.
Kasalukuyang mag-isang naninirahan sa kanyang condo si KC, anak ng Megastar sa una nitong asawang si Gabby Concepcion.
Kasama naman ni Sharon ang kanyang mister na si Senator Kiko Pangilinan at ang mga anak nilang sina Frankie, Miel, at Miguel.
Pero nabanggit ng Megastar noon na magkalapit lang ang mga building na kanilang tinitirhan.
“She sends a lot of food and I send food from time to time.
“And that’s how we express our love, through gifts.
“I think, my mom and I, in a way, have the same love language, where we like to give each other gifts.
"And I love her, I miss her so much," sabi ni KC sa interview sa kanya ni Tim Yap sa isang YouTube video nitong Sabado, May 23.
MOTHER-DAUGHTER RELATIONSHIP
Pag-amin ni KC, hindi perpekto ang kanilang relasyon at dumaraan din ito sa mga pagsubok.
Papuri ni KC sa ina, “She’s such an amazing mom.
“At the end of the day, lahat ng nangyayari sa amin is amongst… should stay in the family.
“And just like any family, no one is perfect.
“We go through bumps along the way, just like any family.
“The only difference is we’re so public.”
Diin pa ng aktres, “I don’t really like talking about problems in public, but people love us and have really welcomed us in their lives."
Nabanggit din ni KC ang tungkol sa hirap na pinagdaanan ni Sharon na mag-isa siyang itinaguyod.
Saad niya, “My mom and I, especially this whole pandemic, we just show our love in different ways.
“She had me very young.
"She gave birth when she was 19, so I’m sure that was also very hard for her.
“We were both babies. She had a baby when I was a baby.
“And maybe she wasn’t ready as she could have been. But it’s okay.”
Ikinasal sina Gabby at Sharon noong September 12, 1984.
Si Sharon ay 18-anyos lamang noon, habang si Gabby ay 19-anyos.
Isinilang si KC noong April 5, 1985.
Naghiwalay sina Gabby at Sharon noong 1987 o tatlong taon matapos sila ikasal.
KC ON HAVING HER OWN FAMILY
Sa ngayon, ang gusto raw ni KC ay makabawi sila ng ina sa isa’t isa.
Saad niya, “I wanna thank everyone that is there to support my relationship with my mom.
“Every day, you just want everything to be nice and light and happy.
“And I’m not a perfect daughter. Nobody’s perfect.
“But what’s important is what happens now.
“And if there was time lost before, I think the important thing is to both embrace each other’s imperfections, and forgive, and be loving towards each other.
“That’s the best that we can do.”
Ani KC, gagawin niyang ehemplo ang ina kapag nagkaroon siya ng sariling pamilya.
“In the future, I’ll have my own family in the future, I’ll have my own husband and kids to prioritize, and take care of.
“And I just want to take away the best part of our relationship and whatever I learned from her as a mother, and be that, take all the good, and put that in my future family.
“Because I really wanna have a happy life.
“And I just wanna be happy and I just want my loved ones to feel loved and happy,” saad niya.
KC-SHARON ISSUE
Ang pinakahuling napaulat na hindi pagkakaunawaan ng mag-ina ay nangyari noong January 2020.
Naisapubliko ang tampuhan nila nang magbitaw ng mga makahulugang pahayag si Sharon sa birthday tribute sa kanya sa ASAP Natin ‘To noong January 5.
Nandoon ang asawa at mga anak ni Sharon, maliban kay KC.
Bahagi ng pahayag ni Sharon: “Thank you, Frankie, Miel, and Miguel for giving importance to Mama, and loving me, and being respectful and kind, grateful children.
“Ipinagdarasal ko rin lahat ng aking mga anak... na sana, lumaki kayo na nakatapak ang mga paa sa lupa.
“Huwag nakalilimot sa pagmamahal ng magulang, at sa lahat ng nagawa ng mga magulang ninyo sa inyo.”
May ganito ring post si Sharon sa Instagram.
Nag-react ang mga nakabasa at pinuna ang makahulugang pahayag ni Sharon na tila pinatamaan si KC.
Makalipas ang ilang oras, nag-post sa Instagram si KC at binati ang ina.
Inamin ni KC na hindi siya perpektong anak, pero ginagawa raw niya ang makakaya.
“If I fail, I’m only human and I’m sorry. But I try my best,” bahagi ng post noon ni KC.
Hindi dito nagtapos ang pagsasapubliko ng kanilang tampuhan.
Sumagot si Sharon noong January 8, sa isang Instagram post.
Dito inilabas ng Megastar ang sama ng loob sa anak, na aniya ay hindi raw nagpaparamdam sa kanila.
Halos hindi raw niya ito nakakasama sa mahahalagang okasyon.
Ani Sharon noon, huli nilang nakita si KC noong December 24, 2019.
Hindi raw nila nakasama si KC noong Bagong Taon at noong huling birthday ng Megastar.
Hindi rin daw nagmi-message si KC sa ina.
Pero sa pagtatapos ng mensahe ni Sharon, ipinahayag nito ang pagmamahal sa panganay na anak.
Hanggang nito ngang March 16, ipinromote ni Sharon sa kanyang Instagram account ang YouTube channel ni KC.
Makahulugan ang ginamit na hashtags ni Sharon, na indikasyon ng pagkakaayos nilang mag-ina: #stillmybabynomatterwhat #unconditionally #iloveyounowandforever #onlyonemomsyforever
Nagpasalamat at nag-“I love you” naman si KC sa ina sa comments section.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)