Mukhang nangungulila si Raquel Pempengco sa anak na si Jake Zyrus.
Noong Martes, May 26, nag-post si Raquel sa Facebook ng throwback picture nila ng singer-performer.
Kuha ang larawan ni Jake noong teenager pa ito, nakadamit pambabae, at kilala pa sa pangalang Charice.
Nakalagay sa caption ni Raquel: “Mirror, mirror on the wall, who's the prettiest of them all...
"Sino ang mas maganda....salamin , salamin...??”
Sa comments section, magkakahalo ang sagot ng followers ni Raquel.
May nagsabing si Charice ang mas maganda, at may iba namang nagsabi na si Raquel.
May ilan ding nagkomento na nami-miss na raw nila ang boses ni Charice.
Pero sa huli, nagbiro si Raquel: “Ako na po maganda kc gwapo n xa now...”
Si Charice ay isa nang trans man at kilala na sa pangalang Jake Zyrus.
THE BIRTH of JAKE ZYRUS
June 2017, inanunsiyo ni Charice sa kanyang Instagram ang pagpapaalam niya sa dating katauhan.
Dahil sa hiwalayan nila ng dating live-in partner na si Alyssa Quijano, mukhang gusto na niya noong ibaon sa limot ang mga alaala nila, kasabay ng pag-aangat sa kanyang pagbabagong anyo.
Dahil doon, isinilang si Jake Zyrus.
Pahayag niya sa kanyang post noong June 15, 2017: “From the bottom of my heart, thank you for the love and respect.
"I love you back and I'm sending peace to everyone.”
Kasunod ng kanyang desisyong mamuhay bilang isang trans man, lumamlam ang singing career ni Jake, na tinagurian noong “The Most Talented Girl in the World."
Dahil dito at dahil na rin sa mas malalim na mga isyu ng mag-ina, nagkaroon ng matinding hidwaan sa pagitan ni Jake at ni Raquel.
Hanggang ngayon ay hindi pa rin naaayos ang sigalot sa pagitan nila.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)