Aksidenteng nasagasaan at namatay si Pacman, ang aso at training partner ni Senator Manny Pacquiao.
Ayon sa balita ng GMA news correspondent na si Mav Gonzales sa kanyang Twitter account, naganap ang aksidente nitong Sabado, June 27, 2020, sa General Santos City.
Isang araw pa lang ang nakalilipas matapos dumating sa General Santos ang Pamilya Pacquiao mula sa ilang buwang pagkaka-quarantine sa kanilang tahanan sa Makati City.
Taong 2006 pa nang magsimula si Pacman maging training partner ni Sen. Manny.
Ang buong tweet ng GMA correspondent: "Pacman was Sen. Manny Pacquiao’s beloved bunso and training partner since 2006. The 14-year-old Jack Russell terrier died after accidentally getting run over by a car in Gensan yesterday."
Sa ngayon, wala pang ibang detalye kung paano nangyari ang aksidente.
Hindi pa din nag-a-update ang Pacquiao Family ng kanilang social media tungkol sa pagpanaw ng kanilang aso.
Gusto mo bang lagi kang una sa showbiz news at scoops? Subscribe to our Viber Chatbot here para lagi kang updated, and join our community for more pakulo!