Umabot sa higit isang milyong netizens ang sumilip sa Instagram stories ni Clint Bondad, na hinihinalang nagpaparinig sa magkasintahang Catriona Gray at Sam Milby.
Trending sa Twitter ang pangalan ni Clint mula Huwebes, July 16, hanggang umaga ng Biyernes, July 17.
As of 8 A.M. ng July 17 ay higit 93,000 ang tweets tungkol sa kanya.
Ito ay matapos kumalat ang iba't ibang teorya ng netizens na sinubukang gawan ng interpretasyon ang mga matatalinhagang posts ni Clint.
THE COUNTDOWN
Nagsagawa si Clint ng 24-hour countdown at nagpahiwatig na tila mayroon siyang pakakawalang pasabog na announcement sa social media.
Ang deadline ng countdown ay 1 a.m. ng July 17, pero walang inilabas na malamang update ang dating Kapuso actor.
Tila paasang sabi ni Clint sa kanyang hiwa-hiwalay na Instagram Stories:
"Loading..."
"I think the internet crashed."
"Man... Sorry, newd to take care of hackers."
Aware si Clint na marami ang nag-aabang sa kanyang posts dahil ipinakita pa niya ang bilang ng 1,614,073 netizens na sumilip sa kanyang Instagram Stories.
Ipinakita rin niyang daan-daang libo ang dumagdag sa kanyang Instagram followers, na kahapon lang ay umangat sa 500,000 followers hanggang sa umabot na ng higit 700,000 followers.
Caption ni Clint, "What is happening?"
Mayroon pa siyang post na nagsasabing, "I am virus in everyone's head I am T[h]e ex."
MISSING CATRIONA GRAY?
May mga ilan pang ni-repost si Clint na mensahe sa kanya ng netizens.
Isa rito ay nagbahagi ng meme na marami ang gising ng 1 a.m. sa paghihintay sa iaanunsiyo ni Clint, habang mahimbing nang natutulog ang model-actor.
"Maybe you just miss @catrionagray?" komento naman ng isang netizen.
May mga munting pahaging kasi si Clint na kesyo "walking Google" daw ang tawag sa kanya noon ng mga kaibigan ni "Cat," na kilalang palayaw ni Catriona.
Binanggit din ni Clint ang "irony" na wala siyang "allergy" sa kahit ano maliban sa mga pusa.
clint keeps netizens guessing
At nito ngang umaga ng Biyernes, may hiwa-hiwalay ulit na Instagram Stories si Clint kung ano nga ba ang ginagawa niya.
Pero wala pa ring malinaw na kasagutan ang dating Kapuso actor.
Pagkatapos ay muling binanggit ni Clint ang pangalang "Sam," at saka ipinahiwatig na hindi isyu sa kanya kahit hindi siya "cool" sa paningin ng iba.
"Poor Sam hahaha
"I am a man of focus
"Lesson 2 We dont look cool."
"NETIZENS' REACTIONS: "NAPUYAT KAKAINTAY KAY CLINT..."
Samantala, kakatwa ang iba't ibang reaksiyon ng netizens na "napuyat" sa paghihintay sa wala sa countdown ni Clint.
May umidlip at nag-alarm pa para lang i-check ang Instagram Stories niya.
Idinaan pa sa biro ng ibang netizens na ang totoo ay may ipo-promote lang na produkto si Clint.
May iba namang netizens ang nagsabing hindi nakakatuwa kundi "creepy" ang social media posts ni Clint.
OTHER NETIZENS: ENOUGH WITH THE FALSE SPECULATIONS
Sabi pa ng iba, mukhang "troubled" si Clint at kailangan ng "psychological help" base sa mga kakaibang social posts nito.
Hindi rin daw tama na may ibang netizens na nagpapakalat pa ng "false narratives" nang walang sapat na basehan.
Lalo pa't may ibang taong mga nadadawit sa isyu kaugnay nina Clint, Catriona, at Sam.
May nagsabi pang tigilan na ang pagpapa-trend kay Clint sa Twitter para manahimik na ito, dahil mas maraming mahalagang isyu sa bansa ang dapat pagtuunan ng pansin.
Bahagi ng isang tweet ng netizen: "enough na yung nag-antay sa countdown kagabi pero walang nangyari. tama na yung mga spekulasyon na walang katotohanan."
Dagdag pa ng isang commenter, "luh, todo effort pag-aralan yung code sa ig ni clint pero di kaya ma-educate sarili sa mga nangyayari sa pilipinas."
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)