May bagong boyfriend ba si Angeline Quinto?
Ito ang tanong ng Instagram followers ng 30-year-old singer na nakakita ng kanyang posts na may kasamang non-showbiz guy.
Sa huling panayam ng PEP.ph (Philippine Entertainment Portal) kay Angeline noong March 2020, sinabi nitong heartbroken siya dahil sa isang lalaking hindi raw niya alam ay may anak at may ka-live in.
Itinanggi rin niyang may relasyon sila ng isa pang non-showbiz guy na malapit sa kanya.
Ngunit tila masaya na muli ang puso ngayon ni Angeline.
Kagabi, July 28, nag-post si Angeline sa Instagram ng larawan ng isang lalaking naka-side view.
Nag-post din si Angeline sa kanyang Instagram Stories ng larawan nilang magkaakbay habang naliligo sa pool.
Mababanaag na puno ng tattoo ang katawan ng lalaki.
Ngayong Miyerkules, July 29, nag-post muli ang singer sa kanyang IG Stories ng solong larawan ng lalaki na nakatampisaw sa pool.
Kasunod nito, nag-post si Angeline ng larawan nilang magkayakap at kuntodo ngiti pa.
Walang caption na inilagay si Angeline sa lahat ng posts niyang ito.
FANS' REACTION
Dahil dito, nagkanya-kanyang espekulasyon ang fans at followers ni Angeline sa katauhan ng lalaking kasama niya sa mga larawan.
Ayon sa unang nagkomento, "kamag-anak" daw ni Angeline ang lalaki dahil ang bata raw ng hitsura nito.
May isa namang nagsabing "hindi dyowa" ng singer ang lalaki dahil tiyak daw na isi-share ni Angeline ang love life niya.
May nagsabi ring suportado niya ang kanilang idolo.
Marami naman ang nagsabing baka raw isulat ng PEP.ph ang tungkol dito... at nagkatooo na nga.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika