"Walang taong pangit. Pangit lang is yung ugali."
Ito ang suwabeng paalala ni Philmar Alipayo sa mga nagsasabing hindi sila bagay ni Andi Eigenmann dahil sa kanyang pisikal na hitsura.
Aminado si Philmar na ang matinding panghuhusga ng ibang tao ang isa sa mga isyu na nahirapan siyang harapin nang magkaroon siya ng karelasyong artista.
"At first, 'coz people will come to me, bashing me," ani Philmar sa YouTube vlog nila ni Andi kahapon, August 5.
Sa parte ni Andi, hindi raw niya maintindihan kung bakit may bashers na nilalait ang pagiging kayumanggi ni Philmar gayong natural na kulay iyon ng Pilipino.
Sabi ni Andi, "Yeah, bakit yung Pilipino, sa tingin nila yung hitsura ng Pilipino pangit?
"Like, my partner's maitim. Hello?! That's so nice! You have a nice skin.
"I didn't expect that because of me, people would be saying bad or negative things to Philmar just because of his skin color, and also because he's from the province."
Pati raw ang pagiging probinsyano ni Philmar ay iniisyu ng detractors nila ni Andi noon.
Si Philmar ay isang professional surfer na nakabase sa Siargao.
Balik-tanaw ni Andi, "Also, he said to me in the beginning, 'Hindi tayo bagay. People don't like us to be together because taga-isla lang ako.'"
Nanindigan naman si Andi na proud siya bilang partner ni Philmar.
"Oh my god! Taga-isla ka lang? Don't ever say that's a 'lang' thing because, to me, you guys are the richest people on earth to be surrounded by such beauty, nature, and living in paradise like this.
"That's why I'm here."
Umapela si Andi na sana ay mas maging malawak ang pag-iisip ng iba na hindi nasusukat ang pagkatao sa pisikal na hitsura, kung saan nakatira o anumang estado sa buhay.
"I hope that Filipinos would get rid of the mentality that if you're from the province, that you are not successful, that that means you're inferior to everyone else who is finding jobs in the city.
"Because that's not the meaning of success. And also, every person is different.
"There are people who who just really think that life for them is much better and gives them more meaning staying on an island just like me and Philmar."
AWESOME LIFE IN SIARGAO
Si Andi ay nanirahan sa Siargao mula noong early 2019.
Nakapagpatayo sila ni Philmar ng sariling bahay roon kasama ng kanilang one-year-old daughter na si Lilo.
Kilig na sabi pa ni Andi, "And that's why we're happy together here. We're here because we want to be here.
"And he never left the island because he wants to be on the island, it doesn't mean that because he's not successful.
"But it's okay because while people are being mean, we're happy. We're just living our happiest, awesomest life."
HOW PHILMAR AND ANDI MET
Kung ang iba ay kinukuwestiyon ang pakikipagrelasyon ni Andi kay Philmar, ang totoo ay walang ideya si Philmar sa buhay-artista ni Andi noong una silang magkakilala.
Hindi raw napanood ni Philmar ang alinman sa TV o movie projects ng aktres.
Ayon pa rin sa kanilang vlog, sinabi ni Andi na siya pa ang nagpakuha ng litrato kay Philmar sa awards ceremony ng isang surfing competition sa Siargao.
Self-confessed "fan" ng surfing si Andi kaya kilala niya si Philmar bilang isang champion surfer.
Nagka-bonding sila kasama ng isang common friend at iba pang mga kakilala.
Doon na nagsimula ang pagiging magkaibigan nila, hanggang sa nagkagustuhan silang dalawa.
Napagtanto raw ni Andi na may "future" sila ni Philmar dahil sa magandang relasyon ng surfer sa anak ng aktres na si Ellie.
Si Ellie ay anak ni Andi sa dati nitong boyfriend na si Jake Ejercito.
Sabi ni Andi, "Philmar is really good with kids."
Sa kaso ni Philmar, iba raw ang pakiramdam kapag kasama niya si Andi.
Kilig na sambit niya, "I realized that I am happy with you. I am happy that I make you happy."
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika