Inamin ni Markki Stroem na sobra siyang natakot sa COVID-19 noong nagsimula ang lockdown sa National Capital Region at sa buong Luzon.
Sabi ng singer-actor sa eksklusibong panayam ng PEP.ph (Philippine Entertainment Portal), nakadagdag sa kanyang takot nang nakaramdam siya ng sintomas ng mapaminsalang virus.
Saad ni Markki, “Sobra akong natakot sa virus dahil sa start pa lang [ng lockdown] nagka-scare na ako.
“Bigla akong nagkaroon ng cough, colds, fever, at shortness of breath.
“Dumiretso ako sa Cvid emergency room at dahil hindi masyadong intense yung sakit ko.
“Meaning I could breathe without a ventilator... Pinauwi ako at pinahinga ng two weeks.
“Sa sobrang takot ko, dun ako nag-isip na bumalik sa dating fitness routine ko.”
Hindi rin daw naging boring at malungkot ang ilang buwang lockdown sa buong bansa dahil sa COVID-19 pandemic, ayon sa 33-year-old actor.
Nakatulong daw sa pagtawid niya sa araw-araw na kaburyungan sa bahay ang trabaho niya bilang radio host.
“Fortunately, may regular trabaho ako sa radio.
"Regular host na po ako sa #TheMorningRush kasama ni Chico Garcia, Hazel Aguilon, at Rica Garcia for two years now.
“Nakapag-work from home kami during the whole quarantine."
Ang ikinalungkot lamang daw niya ay nagdiwang siya ng kanyang kaarawan na mag-isa noong March 21.
“Mahirap pa din, dahil first week pa lang ng lockdown, birthday weekend ko.
“So, malungkot ang birthday na walang kaibigan at pamilya, at mag-isa lang sa bahay.”
Pagkatapos ng kanyang trabaho bilang radio host, anu-ano ang mga pinagkakaabalahan niya upang hindi ma-bored sa bahay lalo't nag-iisa lamang siya?
Tugon ni Markki, “Pagkatapos ng first month ng quarantine, na kain ako nang kain, nag-gain po ako ng 5 kg.
“So, kumuha ako ng online coach.
“Ever since then, I was able to lose almost 7kg.”
“HEALTH IS WEALTH”
Sa mga nais pumayat, baka raw may maitulong siya sa kanila.
Sabi ng binata, “Dahil madaming nagtanong kung paano ako pumayat, nag-start ako ng weekly workout show sa CSTV, Fitness Tips For Lazy Peeps, tuwing Tuesdays 7 P.M..
“Aside from that, nanood ako ng Netflix, naglaro ng Nintendo Switch and natuto din magluto.”
Marami raw natutunan si Markki sa pandemyang nararanasan hindi lang sa Pilipinas kundi sa buong mundo.
Ilan sa mga ito ang pagkakaroon ng ipon, maging wais pagdating sa paggastos, at ang maayos na pag-aalaga sa sarili.
Saad niya, “So many realizations, pero most of all, family is so important.
“Protect them with everything you have.
“Always make sure you have enough savings to support yourself.”
Natatawa pa niyang dagdag, “Kaya pala magluto na hindi kailangan palagi kumain sa labas. Lol.
“At higit sa lahat, health is wealth!
“Protect your immune system, as you only have one life.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika