Nabangga ng isang tricyle ang minamanehong sports car ni Daniel Padilla sa may West Fairview, Quezon City, ngayong hapon ng Miyerkules, August 12.
Ayon sa Facebook post ng isang netizen, imbes na magalit, ang 25-year-old actor pa raw ang nagbigay ng pera sa tricycle driver.
Sabi ng netizen na si Reynaldo Duron, “SOBRANG BAIT NI DANIEL PADILLA, SYA NA NA BANGGA SYA PA NAG BAYAD SA TRICYCLE. ta*na ang gwapo.”
Kalakip nito ang video kung saan mahinahong nakikipag-usap ang aktor sa tricycle driver na nakabangga sa kanyang sasakyan.
Sa Twitter post naman ng KathNiel fans, sinabi nilang “best guy” daw ang kanilang idolo.
Nakasaad dito (published as is): “The simplicity of this man. Daniel Ford proves that he has a kind-hearted & generous man.
"He handle the situation very calm and smooth.
"He also remind people to practice social distancing. BEST. GUY. DANIEL. FORD.”
Post naman ng isa pang netizen sa Facebook (published as is): "Nakita mo nanaman si Daniel Padilla E-j Libay. sana ol.
"Si Daniel na nabunggo siya pa nagbigay kay manong. Bait talaga.
#DanielPadillaAtFairview"
“DANIEL FORD”
Kaugnay nito, trending kaagad sa Twitter ang pangalan ng aktor na “Daniel Ford.”
Puro papuri ang bumuhos mula sa netizens para sa aktor.
Narito ang ilan sa tweets nila para kay Daniel:
KARLA ESTRADA: "KAUNTING GASGAS LANG SA SASAKYAN"
Nag-tweet naman ang ina ni Daniel na si Karla Estrada ngayong gabi.
Ayon sa kanya, kaunting gasgas lang ang tinamo ng sasakyan ni Daniel
Saad ng Kapamilya host, "Guys ok su DJ . Kaunting gasgas Lang sa sasakyan.
"At syempre everybody happy! No Problem! Tuloy ang buhay!"
Isang simpleng "salamat" naman ang mensahe ni Karla sa unang nag-uplaod ng video ng insidente.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika