Hindi nagpatinag si Melissa Ricks sa bashers na pinupuntirya ang kanyang body figure.
Kumpiyansa at kumportable ang aktres sa pagsuot ng cropped top at fit leggings na ipinakita niya sa kanyang Instagram noong August 11.
Sa comments section, may pumuna sa kanyang pangangatawan.
Tinanong ng basher kung ano raw ang nangyari sa "peg" niyang si Melissa.
Prangkang sabi ni Melissa, "tumaba at nag kaanak. Un po ang peg."
Sabay binatikos ng basher si Melissa, "Hnd bayay parang elepante kna melesa."
Nilagyan pa ng basher ng sangkatutak na laughing emojis ang kanyang mensahe.
Kampante pa rin ang sagot ni 30-year-old actress sa basher.
Ani Melissa, na kumindat pa sa kanyang emojis, "hayaan mo na. Maganda naman un elepante."
ON KNOWING HER BEST ANGLE
Isinilang ni Melissa ang kanyang anak na si Kiera Kelly noong January 12, 2015.
Aminado si Melissa na hindi madali ang pagbabawas ng timbang, at aktibo siya sa pagbabahagi sa Instagram ng kanyang weight-loss journey.
Supportive ang kaibigan ni Melissa na si Neri Naig. Batchmates sila sa defunct ABS-CBN reality show na Star Circle Quest Season 1 noong 2004.
Komento ni Neri, "Payaaaaaaaaaat na."
Sabi naman ni Melissa, "nako te, angle serves me right! but thank you!"
"MY REALITY"
Sa sumunod na litrato ni Melissa ay proud niyang ipinakita ang kanyang love handles habang suot ang parehong cropped top at leggings.
Nilagyan niya ito ng caption na "My reality" kalakip ng hashtag na "#LoveYourSkin."
Nagkomento rito si Mariel Rodriguez. Ani Mariel kay Melissa, "ALWAYS BEAUTIFUL."
Sagot ni Melissa, "aww love you Mariel! Thank you!!!"
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika