Kasal na ang dating Pinoy Big Brother: All In housemate na si Fourth Solomon sa fiancée nitong TV and print ad model na si Grizelle Gratela.
Ikinasal ang dalawa sa isang intimate ceremony na ginanap sa Las Casas, Quezon City, kahapon, August 27.
Ngayong hapon ng Biyernes, August 28, ibinahagi ni Fourth sa Instagram ang ilang mga larawang kuha mula sa kanilang kasal.
Maiksing caption niya: “Simple and Memorable. Officially my wifey @grizellegratela”
Sa hiwalay na Instagram post, isang madamdaming mensahe naman ang ibinahagi ni Grizelle ukol sa pag-iisang dibdib nila ni Fourth.
Sabi niya, “Yesterday was full of happy tears! Officially Mrs. Grizelle Anne P. Gratela-Pagotan.
"Can't wait to Spend the rest of forever with you @fourthsolomon"
THE ENGAGEMENT
December 2019, na-engage ang dalawa nang mag-propose si Fourth kay Grizelle sa Golden Gate Bridge sa San Francisco, California.
Post pa noon ni Fourth sa kanyang Instagram matapos ang proposal, “Ngayon lang ulit ako kinabahan sayo @grizellegratela hehehe! Thank you and I love you #Proposal”
Si Fourth ay nakilala sa publiko nang pumasok siya bilang housemate sa PBB: All In noong 2014, kasama ang kambal niyang si Fifth Solomon.
Sina Fourth at Fifth ay nakababatang kapatid ng Kapuso actress na si Chariz Solomon.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika