Ipinakita ni BB Gandanghari sa Chapter 13 ng kanyang vlog, na may pamagat na "BB.uncut Who Killed RP?," ang mga larawang kuha sa tahanan niya noong 2001.
Ito raw ang magpapatunay ng pagpapatuloy ng masasayang araw nina David at Jonathan—ang mga pangalang ginamit ni BB upang tukuyin si Rustom Padilla (David) at isang sikat na aktor (Jonathan)—na nagsimula nang magsama sila sa isang Passion play sa San Francisco, California, noong 2001.
Si Rustom ang sikat na matinee idol noong '90s at dating katauhan ni BB bago siya nagdesisyong maging transwoman.
THE BEGINNING
Bago inilantad ni BB ang mga litrato ni David, na kuha ni Jonathan, ikinuwento muna niya ang opisyal na pagsisimula ng relasyon nila noong May 2001.
Dito na rin ibinunyag ni BB ang unang sexual encounter nina David at Jonathan.
Nangyari ito nang magkita ang dalawa matapos ang biyahe ni David sa Singapore.
"Isang tanong lang ni Rustom: 'How do we go about this? What do you see? What’s gonna happen?'"
"Sabi ni Jonathan, ‘It can be a relationship if you want.’
"He [David] could not say no dahil may nararamdaman na siya romantically for Jonathan.
"Hindi ko makakalimutan ang sinabi ni Jonathan—simple words but very impactful—'It’s not about sex but it’s about making love.'
"As I’ve said, very simple words, but impactful because it makes a lot of sense.
"They embraced, they kissed, they made love," pagbabalik-alaala ni BB tungkol sa unang pagkakataong isinuko nina David at Jonathan ang katawan nila sa isa’t isa."
THREE MONTHS OF A LIFE-CHANGING EXPERIENCE
Kasunod nito ay idinetalye ni BB ang tatlong buwang relasyon nina David at Jonathan.
"It was... it will be three months of a life-changing experience for David from then on.
"So they became together from that time. So, they started a relationship that night.
"Looking back, it was bound to be, as I’ve said, a life-changing and very eye-opening experience for Rustom as a whole.
"That was May, June, July… very happy, always together, always hanging out.
"Jonathan would come, bring all his paraphernalias as far as his music is concerned… and they would hang out every time walang trabaho, spend the night together.
"Just really enjoying each other's company."
Inilarawan din ni BB ang state of mind nina David at Jonathan noong panahong iyon.
"Jonathan was young, playful, energetic, adventurous.
"Rustom was just willing to try everything at this point, just explore and see.
"But if he was just really missing something… but it was Pandora’s box opening before his eyes."
Pero ayon kay BB, habang lumalalim ang nararamdaman ni David para kay Jonathan, hindi raw namamalayan ni David na "padilim na padilim" din ang pinasok niyang "closet."
Lahad ni BB, "So, during this time na tumatakbo ang panahon, unti-unting nare-realize ni Rustom na hindi niya alam na padilim na padilim yung corner na pinapasok niya.
"Little did he know that he was actually entering a very dark closet, so dark that you will not even see yourself. But, of course, that would be discovered by Rustom by himself.
"But right at this moment, everything is just really roses and birds singing.
"But things took a very different turn towards mga September of 2001...
"Pero all throughout from May to September, it was a fun time.
"Kung wala kang ibang ilalagay na konsiderasyon, it was a fun time," mahabang salaysay ni BB.
HONEYMOON PERIOD
Sandaling huminto si BB para ipakita ang mga litrato ni David o Rustom, na kuha ni Jonathan.
Kuha raw ang mga larawang iyon sa backyard na ipina-landscape ni David para sa kanila ni Jonathan.
Lahad ni BB, "Let me share this to you because this was taken thru Jonathan’s lens. In his eyes, in their happiest moments, I guess.
“One of those nights, when after he [David] promised something na, yung sabi niya, 'I have a surprise for you. This was it.'
"Ito na yung panahon na ipinapakita niya kay Jonathan yung ipinagawa niyang backyard, yung ipina-landscape niya for the two of them.
"For both of them so they can enjoy yung surroundings nila. Yung mga limited time that they can be together and really just be themselves. It was happy times."
Pagpapatuloy ni BB, "Jonathan was very happy... Ang biruan nga nila, sagot mo na ang music, sagot ko na ang ambience...
"So, yun ang bonding nila. Sagot ni David ang ambience, baon ni Jonathan ang music."
Ayon kay BB, "honeymoon time" para kina Jonathan at David ang mga buwan ng May, June, July, at August.
Nag-umpisa na raw pumasok ang mga problema sa relasyon nila sa buwan ng September ng taong 2001.
"Honeymoon time ang May, June, July, August. Pero papunta ng September, pumapasok na yung pressure ng relationship at yung pressures ng pagbabago.
"So, away-bati na ito. Dumarating na yung punto na away-bati.
"And then, one time, habang nagsu-shooting si Rustom [sa Singapore] para sa Paradise [TV series], tumawag si Jonathan.
"Sabi niya, 'May problema.' Sabi ni David, 'Ano problema?'”
THE INVESTIGATION
Sagot daw ni Jonathan, "Inimbestigahan ako nung ex at ipinadukot lahat ng bill ko sa phone carrier. Nakita lahat ng tawag ko sa 'yo."
Patuloy na salaysay ni BB, "Ang unang tanong ni David was, 'Pero tapos naman na, di ba? Wala na dapat, eno naman kung makita?'
"Parang, supposed to be, walang sabit. Wala dapat problema.
"Pero it’s turning out to be a big issue on the other side.
"Ang sabi lang ni David sa kanya, 'So what do you wanna do? Do you wanna end this? If you think it’s gonna be an issue, then you can end this. Wala naman ibang choice. If you think na magiging problema, we can always call it quits.'
"Of course, kabig ng... tulak ng bibig, kabig ng dibdib. Why? Because in his head, it will be an issue. 'Akala ko ba tapos?'"
Pagkatapos mag-usap nina David at Jonathan sa telepono, sabi ni BB, "Rustom was bothered but continued shooting pero bad trip.
"Bad trip kasi mahal na niya yung tao.
"Hindi naman ganoon kadali matapos ‘yon, pero pareho silang ayaw ng intriga at that time.
"Kung takot siya [Jonathan] noon, mas takot si Rustom. Pero right word is kung may takot noon, si Rustom ‘yon."
Pagkatapos ng shooting ni Rustom sa Singapore ay umuwi siya ng Pilipinas kung saan nagkausap daw sila ni Jonathan.
Kuwento ni BB, "Nandoon si Jonathan and explaining what happened, and saying ‘No, I’ll take care of it. Don’t worry about it.’
"And Rustom believed. He wanted to believe. He wanted to continue, and so he believed.
"But the fights now are getting to be more common. Nagkakaroon na ng mga selosan, nagkakaroon na ng mga ibang complications.
"And I must admit, Rustom is becoming complicated at this time because patindi nga nang patindi yung guilt niya."
STRAIGHT RELATIONSHIP
Ayon kay BB, tuwing nagkakaproblema noon sina David at Jonathan ay nagdarasal at humihingi ng tulong si David.
"Kasi for sure, mahal na ni David si Jonathan.
"And I remember, sinasabi ni David kay Jonathan noon na, 'Babae ang tingin ko sa 'yo... Not literal na babae, pero I can only treat this relationship as a straight relationship.
"That’s why David then would always... if people ask him, 'Are you in a relationship?'
"'Yes, girlfriend.' Pero wala siyang girlfriend. Pero he would always refer to that relationship, kasi ang feeling niya, it’s the same feeling I’m feeling towards a woman. It’s the same love."
Memorable daw ang petsang September 11, 2001 o ang makasaysayang 9/11 para kina David at Jonathan.
Ayon kay BB, "So, getting to September was becoming an issue. Marami nang isyu na lumalabas pero they’re trying to patch up.
"And then, September 11, 2001, Rustom decided to go to Jonathan’s shooting and just hang out.
"So he went, nagkita sila sa loob ng kotse ni Jonathan. And like what they always do, they would be intimate inside the car," kuwento ni BB.
Nangako si BB na ipagpapatuloy niya sa Episode 14 ang mga nangyari dahil, tulad ng pag-atake ng mga terorista sa Amerika noong September 11, naging makasaysayan din para kay David ang nabanggit na petsa.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika