Pumanaw na ang dating sikat na manghuhula na si Madam Auring—Aurea Sabalboro Erfelo sa totoong buhay—ngayong Biyernes, October 30.
Siya ay 80 years old.
Kinumpirma ito ng kanyang apo na si Daryl Simon Pecson sa pamamagitan ng Facebook post ngayong araw.
Mensahe ng apo ni Madam Auring: “#RestInPeace my Lola.
"few days ago binisita kita magkausap lang tayo, dinalhan kita ng mga pasalubong at mga pangangailangan mo lubos ka nagalak.
“Grabe ang pinag daanan mo during your senior years pero you still worked hard for your family (us) i feel sad and happy.”
Mami-miss daw ni Daryl ang mga words of wisdom at kahit ang corny jokes ni Madam Auring.
“Sad kasi i will never see you again, mga wisdom words mo, korni jokes, happy bondings, and pagkurot sa aking pisngi hanggang mamula.
“Happy ako kasi you have done everything you could to make us feel loved the way you know how, your struggles are over. You fought your battles silently. Magkikita na kayo ni Mama sa kabilang buhay.
“You shall always be in our hearts. Love you."
“THERE ARE NO GOODBYES”
Ayon naman sa isa pang apo ni Madam Auring na si Mike Gibran Pecson, mawala man daw ang kanilang lola sa kanilang pamilya ay mananatili ito sa kanilang puso.
“Our Family chain is broken and nothing seems the same, But as God call us one by one the chain will link again.
“There are no goodbyes for us lola, Wherever you are, you will always be in my heart.
“Ibati mo nalang kami kay mama pag nakita mo sya..
“Rest In Peace.”
Hindi sinabi ng kanyang pamilya kung ano ang ikinamatay ni Madam Auring.
Nakilala si Madam Auring sa kanyang showbiz predictions noon.
Ayon sa GMA News Online, isa raw sa nagkatotoong hula ni Madam Auring ay ang pagkapanalo ni Muhammad Ali sa laban nito kay Joe Frazier, sa "Thrilla In Manila," noong 1975.
Hinulaan din daw ni Madam Auring ang pagkapanalo ni Ampara Muñoz ng Spain sa Miss Universe 1974, na ginanap din dito sa Pilipinas.
Dahil sa kanyang mga nagkatotoong mga hula, nagpahula na rin daw noon kay Madam Auring sina dating First Lady Imelda Marcos, King of Philippine Movies Fernando Poe Jr., Superstar Nora Aunor, at dating Pangulong Joseph Estrada.
Naging aktres din si Madam Auring sa ilang TV shows at pelikula.
Ang mga huli niyang nilabasang pelikula ay ang Apat Dapat, Dapat Apat: Friends 4 Lyf and Death (2007), Manay Po 2: Overload (2008), at Iskul Bukol: 20 Years After (The Ungasis and Escaleras Adventure) (2008).
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika