Pinatotohanan ng former beauty queen na si Venus Raj na deserving si Rabiya Mateo manalong Miss Universe Philippines 2020.
Si Venus, Miss Universe 2010 fourth runner-up, ay isa sa mga hurado sa Miss Universe Philippines 2020 preliminary competition noong October 23, 2020.
Ani Venus, nakakabilib ang performance ni Rabiya sa ginanap na national pageant.
Nagkataon ding pareho ang background nina Venus at Rabiya.
Parehong Pinay ang kanilang mga ina at Indian naman ang kanilang mga ama.
Sa murang edad pa lamang, wala na sa piling nila ang kani-kanilang mga ama at pareho rin silang nagmula sa kahirapan.
VENUS AND RABIYA
Kuwento ni Venus, nang mag-judge siya sa preliminary competition ng Miss Universe Philippines 2020 ay wala siyang alam tungkol sa background ni Rabiya, na representative ng Iloilo City.
Gayunpaman, napansin daw ni Venus si Rabiya dahil sa ganda at talino nito.
“To be honest, hindi ko talaga alam yung kuwento ni Rabiya.
“Hindi ko talaga alam yung parang story behind the beautiful face and the intellect.
“Parang she’s beautiful, she’s an intellectual woman, pero hindi ko alam yung kuwento behind it,” sabi ng Bicolano beauty queen.
Nalaman lang daw ni Venus ang life story ni Rabiya matapos itong manalo.
“But then, after the coronation, we started talking, I started asking questions to some of the people from the organization.
“And then they mentioned to me the story of Rabiya.
"Sabi nila, ‘Half-Indian siya. Ano siya, yung tatay niya ganito. Very similar ang kuwento niyong dalawa.'
“Sabi ko, ‘Hala, hindi ko alam iyon.’
“But it’s so nice to see that… I think she’s also young, she’s 23, if I’m not mistaken...”
Nakita raw ni Venus kanyang ang sarili kay Rabiya. Nakitaan din daw niya ng mga katangian si Rabiya para mapanalunan ang korona.
“Someone like her from the province won the competition.
“And parang alam mo na driven siya. She’s so driven.
“I think yun naman talaga ang gusto talaga ni Rabiya, na to win the crown.
“She deserves the crown. I was there. I saw how she performed,” saad ni Venus.
Na-interview si Venus sa online live ng former ABS-CBN entertainment writer na si G3 San Diego noong November 2, Lunes.
Bilang judge sa katatapos lang na national pageant, pabor kay Rabiya ang mga binitawang salita ni Venus, lalo't nabalot ng isyu ang pagkapanalo ng Ilongga beauty queen.
Inakusahan si Rabiya na may bitbit na glam team at narinig umano nito ang tanong sa question-and-answer portion.
Itinanggi ni Rabiya ang mga bintang sa kanya.
VENUS ON THE CURRENT BATCH
Samantala, sinabi rin ni Venus na maraming magagaling na candidates sa Miss Universe Philippines 2020.
“Ang dami ko kasing parang gusto, na hindi mo siya… parang pwede ba silang… pwedeng imbes na Top 5 gawing Top 8, Top 9?
“Kasi ang daming magagaling na magaganda,” sambit ng kinatawan ng Pilipinas sa Miss Universe 2010.
Mula raw Top 16 hanggang Top 5 ay ikinatuwa ni Venus.
“Kung sino man ang manalo sa kanila, happy na ako. Kasi yung pinasok naman nila sa Top 5, they are amazing, deserving women to be there.”
ON CHANCES OF RABIYA IN THE MISS UNIVERSE PAGEANT
Ngayon pa lang, inusisa na si Venus tungkol sa tsansa ni Rabiya na manalo sa susunod na Miss Universe pageant.
Medyo nahihirapan daw si Venus dahil hindi pa niya kilala ang mga magiging kalaban ni Rabiya.
“So, every year hindi ko kasi alam ngayon kung sino yung mga candidates. Hindi ko pa talaga sila nakikita.
“Parang wala akong idea sino kaya mga makakalaban niya.”
Pero may ibubuga raw si Rabiya.
“I think Rabiya has a very sultry face, which ang galing how she expresses herself without even saying a word.
“And when she walks, she’s as if conveying a message without saying words yet.
“So, I think that’s one of her edge that maybe she can use in the international competition,” pahayag ni Venus.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
Also, you can use these Lazada promo codes or vouchers when you shop or order online. Marami pang ibang coupons dito.