Napuno ng kulitan ang pag-uusap nina Matteo Guidicelli at KC Concepcion sa isang online collaboration nitong weekend.
Hindi naiwasang tuksuhin ni KC si Matteo tungkol sa misis nitong si Sarah Geronimo.
Nitong Sabado, November 21, naging guest si Matteo sa Kitchen Collabs, ang IG Live program ni KC kung saan nagpapaturo siya ng dish sa kanyang celebrity guest.
Sa pagkakataong ito, nagpaturo si KC kay Matteo kung paano magluto ng tuna pasta.
Si Matteo, na isang Filipino-Italian, ay marunong magluto at owner ng Italian restaurants.
Nang magsimula na sila, ipinaalala ni Matteo na importanteng huwag madaliin ang pagluluto ng pasta.
Sabi ng aktor, importanteng lagyan ng pagmamahal ang niluluto.
Ani Matteo, “For example, when I cook pasta for Sarah and nagmamadali ako, or kailangan ko nang gawin dahil gutom na siya or whatever, if I rush it, it’s not good, e.
"So, you always have to put heart into it. It’s just like you’re making love to the pasta, kumbaga, you know what I mean?”
Kitang nagulat si KC at tila may pagkapilyo ang dating sa kanya ng pahayag ni Matteo.
Nangingiting sagot ni KC, “Matteo, huwag mo kaming ganyanin. I-secret niyo na lang 'yan sa married life ninyo, grabe!
“Hindi kakayanin ng mga tao dito. There’s almost two thousand of us,” pagtukoy ni KC sa dami ng kanilang viewers.
Pero giit ni Matteo, “It’s very important. There’s a lesson for everybody.
"Kumbaga, you have to give love, make love to the dish, di ba?”
Natatawang sagot ni KC, “Eto ka na naman, Matteo, bakit ganun?
“Sarah, anong nangyayari? Kaya mo ba pinakasalan yung guy na ‘to?”
Dinig na natawa si Matteo.
Sundot pa ni KC, “Alam mo, Matt, sumosobra na yung married mood mo, ha? Nami-miss ko na si Sars [Sarah].”
Sana raw ay kasama nila si Sarah para ito naman ang matanong ni KC tungkol sa married life nila ni Matteo.
KC TEASES MATTEO
Inusisa rin ni KC si Matteo kung araw-araw niyang ipinagluluto si Sarah.
Tanong pa ng aktres, ano ang ginagawa ni Matteo para iparamdam kay Sarah ang pagmamahal niya rito.
“You just say sorry all the time,” may halong birong sagot ng aktor.
“One thing I learned about married life is that, just say, ‘Sorry, Love. Sorry, kasalanan ko talaga.’ Kahit hindi mo kasalanan, sorry nang sorry, 'no?”
Hirit ni KC, “Talaga? So, marami kang kasalanan ibig sabihin?”
Paglilinaw ni Matteo, “Wala naman. Wala naman.”
Papuri ni KC sa aktor, “Ang bait mo naman.”
Sa puntong iyon, tila ang in-address ni KC ay si Sarah: “Sars, mabait ba talaga si Matt? Yung totoo.”
Hindi iyon narinig ni Matteo at pinaulit kay KC ang sinabi nito.
“Tatanungin ko si Sarah kung mabait ka ba talaga,” ulit ni KC.
“Tanungin mo," may kumpiyansang sagot ni Matteo.
“Wow, confident?!” bulalas ni KC.
HOW MATTEO, SARAH KEEP THEIR RELATIONSHIP STRONG
Nausisa rin ni KC si Matteo kung paano ipinapakita sa kanya ni Sarah ang pagiging sweet nito.
Sagot ni Matteo, “Sobrang sweet niyang si Sarah, e. Lahat talagang… she’s a very, very caring wife.”
Paano naman napapanatili ng mag-asawa ang kanilang matibay na pagsasama?
“What makes us strong is that we’re transparent. We’re very transparent,” sagot ni Matteo.
“She’s very honest. We’re honest with each other. That’s very important. You cannot hide things from one another.”
Pag-usisa ni KC kay Matteo, “So, you’re loyal, honest, and true, ganon?”
Mabilis na sagot ni Matteo, “Dapat lang.”
Tinanong din ng anak ni Sharon Cuneta si Matteo kailan malalaman kung kailan dapat magpakasal.
Paliwanag ng aktor, “If you really love someone. First off, I really recommend marriage to everybody as long as you found that perfect person…
“As long as you found the trust between two people. It depends on person to person.
“But I’m very, very blessed that I was able to find Sarah.
“And it’s, like, two people colliding, two people synergizing and becoming better people.
“You just have to love honestly and trust. Yun lang naman talaga.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika