Inisa-isa ni Pia Wurtzbach, 31, ang kanyang mga nagawa ngayong taon matapos kuwestiyunin ng ilan ang pagkakahirang niya bilang Woman of the Year ng isang Dubai-based award-giving body.
Nasaktan si Pia dahil sinabihan siya ng mga kritiko na hindi niya deserve ang award.
Lumipad kamakailan si Pia sa Dubai para sa annual awarding event ng Xpedition Middle East, isang “luxury, fashion, travel and lifestyle magazine” na based sa Dubai, United Arab Emirates.
Noong 2019, ipinagkaloob ang parehong award kay Miss Universe 2018 Catriona Gray.
Matapos i-post ang trophy sa kanyang Instagram Story ngayong Lunes, December 7, 2020, sinundan ito ni Pia ng pahayag.
Nag-react ang Miss Universe 2015 sa mga kumukuwestiyon kung karapat-dapat ba siyang tawaging "Woman of the Year."
Nasaktan si Pia kaya kailangan daw niyang sagutin ang paratang na hindi siya deserving.
Bungad ni Pia (published as is), “I usually dont like answering them but I have to admit, nahuhurt ako pag sinasabing ‘wala ka namang ginawa.’”
Hindi rito natapos ang paliwanag ni Pia. Itinuloy niya ito sa comments section ng kanyang recent post.
Sa mahabang paliwanag, inisa-isa ng Filipino-German beauty queen ang mga kontribusyon niya ngayong taon na naging basehan para igawad sa kanya ang award.
PIA WURTZBACH: “I NEED TO SAY SOMETHING.”
Apektado ang beauty queen sa pagkuwestiyon sa nakuha niyang pagkilala.
Saad ni Pia, “Now I dont really like having to explain myself, Im sure nanotice nyo naman ia tuwing mag binabato sakin na issue tahimik lang talaga ako.
“But this time I feel like I need to say something.
“Ang saya saya ko everytime I give back in my own little way.
“And it hurts me when people say na wala naman akong ginawa or ginagawa.
Katwiran ng beauty queen, hindi siya nagkukulang sa pagpu-post ng mga ginagawa niyang charity works. Pero sadyang mas napapansin daw ng mga tao ang glamour shots niya at mga post na may kinalaman sa kanyang personal life.
“Pinopost ko naman pero somehow people only notice the glam pics and my photos with Jeremy," pagtukoy niya sa kanyang boyfriend na si Jeremy Jauncey, isang Scottish businessman.
Himutok ni Pia, mabibigat din ang pinagdaanan niya ngayong 2020—sa personal man o sa career.
Kamakailan ay pinag-usapan ang naging hidwaan ni Pia at ng kanyang ina sa nakababatang kapatid ng beauty queen na si Sarah Wurtzbach.
Naging sandalan daw ni Pia ang boyfriend sa gitna ng problema sa pamilya.
“This year has been tough for me too. Ive been trying to keep my head up and balance work and businesses, my personal life and even family issues.
“I've been through some really dark times this year (even Jeremy has seen it) but somehow Ive been able to fight through it and I havent forgotten about the people who believe in me."
Wala raw kaso sa kanya kung hindi siya ang "bet" na hiranging Woman of the Year award. Ang mahalaga raw, may mga tao at mga organisasyong nakikita ang mabubuti niyang ginagawa.
“So to my bashers who work so hard to bring me down, okay lang sakin kung ayaw nyo sakin or iba kasi ang bet nyo.”
Nagbunga naman daw nang maganda ang pagsali niya sa charity campaigns.
“After the success of my very first fundraiser I gained the confidence to do more,” ani Pia, na naging aktibo sa pagtulong sa frontliners noong first few months ng pandemya sa bansa.
“So then when Vestido and Aquafina asked me to donate gowns I wore as Misa Universe, I said yes! Gowns and shoes were auctioned off all for charity.
“A few months later I was asked by WWF [World Wide Fund for Nature] to join their team and I was so happy to be a part of it and learn more, also because Jeremy who is a global Ambassador for WWF, has been teaching me so much about it,” pagtukoy ni Pia sa international non-government organization.
Katwiran pa niya, hindi siya nakisali sa ground work ng WWF, pero tumulong siya sa tatlong fundraising campaigns nito.
Pina-auction din ni Pia ang kanyang mga mamahaling relo sa fundraisers nina Anne Curtis at Angel Locsin.
“I also auctioned off my watches to Anne's and Angel's fundraiser earlier this year and the funds also went to charity.
“I also do a free talk with UNAIDS every 3 months.”
Malaki-laki rin daw ang perang nalikom ng fundraising event na sinimulan kasama ang fellow beauty queens na sina Carla Lizardo at Bianca Guidotti.
Nagsagawa ng fundraiser ang tatlo sa pamamagitan ng kanilang online show na Queentuhan.
Dagdag ni Pia: “I even personally reached out to beauty queens myself to help us spread the word so we could collect more and help more.
“Syempre nag donate din kami from our own pockets.
“I was so happy to see that even though bagong bago palang ang podcast namin, we were able to collect over 400 thousand pesos.
“All of that went to the beneficiaries.”
Bago rin daw siya lumipad papuntang Dubai, tumulong pa si Pia na mag-repack ng relief goods na sinimulan ng isang organisasyon.
“Wala po akong maid sa bahay, kami lang po ng pinsan ko ang nandun and we did everything ourselves.”
Sariling sikap daw lahat ito at wala siyang malaking team para tulungan siya.
“I kept myself busy during this pandemic by helping, donating, keeping myself updated with the news and doing free interviews and talks.
“People seem to think I have a staff of a big team but really most of the work I do, I do myself. Ive always been that way.”
Sa sumunod niyang komento, muling nagpaliwanag si Pia tungkol sa sinimulan niyang sariling fundraiser para sa frontliners.
“Usually I just join other fundraisers but this time I started my own. Literally me handling the monetary donations myself, without an org to work with.
Aniya, umabot din ng higit isang milyon ang fundraiser niya.
“When we collected everything, I only had my cousin, a friend and my driver to help me do the deliveries.
“Kami lang po yung gumagawa. Wala kaming big team or staff.
“Around the same time I also partnered with a local restaurant to continously deliver lunch and dinner to the ICU unit Makati Med for weeks and that was with my own money.”
Lumipad si Pia sa Dubai noong nakaraang linggo para tanggapin ang award na ito.
Pangalawang taon pa lang ito ng award-giving body.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika