Nagpositibo sa COVID-19 ang dating aktres at politician na si Maybelyn dela Cruz.
Ibinahagi niya ito sa kanyang Instagram account kahapon, December 12.
Ayon sa kuwento ni Maybelyn, galing siya sa isang series of relief operations sa Cagayan.
Ibinabahagi rin ni Maybelyn ang mga litrato ng kanilang relief operations sa Cagayan at Isabela sa kanyang Instagram account.
Bukod kasi sa pagiging dating councilor ng Dagupan, Pangasinan, si Maybelyn din ay aktibong miyembro ng Philippine National Red Cross.
Isa naman ang Cagayan sa nasalanta ng bagyong Ulysses nito lang Nobyembre.
Pagkatapos daw ng kanilang relief operations ay nag-self quarantine na si Maybelyn sa Pangasinan at nagpa-swab test.
Subalit nang lumabas ang resulta noong December 11, nag-positive ang dating child star.
“Mild” lang naman daw ang sintomas na naramdaman ni Maybelyn at sa ngayon ay “well” na ang pakiramdam niya.
Sa Lunes, December 14, nakatakdang magpa-test ang pamilya ni Maybelyn.
Saad ni Maybelyn sa kanyang post (published as is), “And... I have COVID.
“As most of you already know, I recently participated in relief operations in the Cagayan region.
"Following health guidelines, I observed voluntary self-quarantine in a separate room in our home and subsequently subjected myself to swab testing.
"It was something I was hoping would not happen, but it has. I was informed just last night that I tested positive for COVID-19.
"I then immediately coordinated with the city focal person, called the hospital, and was admitted.
"Fortunately, I only have mild symptoms; I feel well, and I am being closely monitored. My family is scheduled for swab testing on Monday.”
Ang pagpu-post din ni Maybelyn ng kanyang kalagayan ang kanyang naging paraan para i-inform ang mga nakasalamuha nila ng kanyang asawang si Michael Fernandez nitong mga nakaraang araw.
Si Michael ay kasalukuyang councilor ng Dagupan, na siyang humalili kay Maybelyn nang matapos ang kanyang termino noong 2019.
Patuloy ni Maybelyn, “My husband, Michael, and I would like to take this opportunity to inform those who had close contact with us as we understand that it is a necessary step for the safety and protection of all concerned.
"As responsible members of our community, our family appreciates the importance of health protocols in order to break the chain of transmission.
“We thank you for your well wishes, support and prayers.
“We hope that your families stay safe in these difficult times.”
Ilan naman sa mga kaibigan ni Maybelyn sa showbiz ang nag-comment sa kanyang post at humiling para sa agarang paggaling niya.
Kabilang dito sina Michael Flores, Camille Prats, Kim delos Santos, Krista Ranillo, Gina Alajar, Gio Alvarez, at mga dating kasamahan ni Maybelyn sa Click na sina Danica Sotto at Tricia Roman.
Si Maybelyn ay dating child star na nakilala sa kanyang pagganap sa Ang TV, Home Along Da Riles, at T.G.I.S.
Nang magdalaga ay nakabilang si Maybelyn sa GMA-7 youth-oriented series na Click. Nakasama rin siya sa ilang teleserye ng Kapuso network.
Taong 2010 nang mag-lie low sa paggawa ng TV projects si Maybelyn matapos manalo bilang konsehal sa Dagupan, Pangasinan.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika