Sa paglipas ng panahon ay unti-unti nang nag-e-evolve ang beauty pageants.
Tapos na ang panahon kung saan ang mga kandidata ay mga tipikal na kababaihan.
In recent years, isinulong ng pageant organizations na ang mga pageant ay maging higit pa sa tagisan ng kagandahan at talino.
Naging plataporma ito sa pagsulong ng women empowerment.
Ngayong 2020 rin, binulaga tayo ng ilang beauty queens at aspiring beauty queens na ipinagsigawan ang pagiging miyembro nila ng LGBTQIA+ (lesbian, gay, bisexual, transgender, queer or questioning) community.
May mga umaming bisexual, may same-sex relationship, may ibinunyag na karelasyon ang isang transgender man, at may isa ring transgender woman.
Kilalanin natin ang Filipino beauty queens na loud and proud members of the LGBTQ community...
BEATRICE GOMEZ, BINIBINING CEBU 2020
Nakapukaw ng atensiyon si Beatrice Luigi Gomez sa ginanap na Binibining Cebu 2020 noong January 13, 2020.
Si Bea, isang sports enthusiast at gym owner mula sa San Fernando, Cebu, ay isa sa higit 50 kandidata sa regional pageant.
Pero sinorpresa niya ang lahat dahil buong pagmamalaking inilantad sa unang question-and-answer round na siya ay may girlfriend.
Ang tanong: what makes you beautiful?
Sagot ni Bea: “I guess what makes me beautiful is my bravery and my being true to myself.
“To tell you guys, honestly, I have a girlfriend and I have tattoos…
“And I’m very proud of my imperfection, and I guess that is what makes me beautiful.”
Dinig ang hiyawan ng mga tao sa audience.
Si Bea ang kinoronahang Binibining Cebu noong gabing iyon.
Ang girlfriend ni Bea ay ang performance disc jockey na si Kate Jagdon na naka-base rin sa Cebu.
Limang taon nang magkarelasyon ang dalawa at proud si Kate sa pagpu-post tungkol sa relasyon nila ni Bea.
BILLIE HAKENSON, 4TH RUNNER-UP MISS UNIVERSE PHILIPPINES 2020
"I'm Billie Hakenson, I’m representing Cavite. And I’m a bisexual, and I’m proud to be here."
Ganito ang walang paligoy-ligoy na pagpapakilala ni Miss Cavite Kimberly "Billie" Hakenson sa mga hurado sa closed-door interview sa ginanap na Miss Universe Philippines 2020 noong Oktubre.
Bago pa man ang grand coronation night, agaw-pansin si Billie dahil sa kanyang balingkinitang pangangatawan at short hair.
Sa virtual interview ng isang pageant enthusiast, hindi rin nangimi si Billie na ibunyag ang kanyang “masculine” side.
Pahayag niya, "I'm actually not that afraid to show my tough side. I am not really as feminine as most women.
"I have this androgynous side and I am confident in showing it off. I love how it jives with my personality, and how actually it’s a big part of me.
Si Billie, isang flight attendant, ay vocal sa pagiging miyembro niya ng LGBT community.
Noong Hunyo ay ipinost niya ang larawan ng heart-shaped paper cut-out at rainbow flag, na sagisag ng LGBTQ community.
“Will forever be grateful and honored to raise our flag," parte ng caption.
Aniya pa: "And basically, what I am is a supporter of women.
"I support women’s rights, and fairness and equality.”
Marami ang nagulat sa ginawa ni Billie. Marahil hindi nila inasahan ang kanyang “pag-come out.”
Sinundan niya ito ng isa pang Instagram post para klaruhing hindi siya nagladlad dahil dati na siyang open tungkol sa kanyang sexual orientation.
Aniya: "I did not come out. I certainly did not come out on the Miss Universe Philippines stage. I simply reiterated my truth.
"I am bisexual. While who I love, and have loved, does not define the core of my being, I am a proud member of the LGBTQIA+ community."
Makahulugan pa niyang mensahe: "May we no longer be silenced by fear, but empowered by our truth and the support of our allies."
WEAM AHMED, MISS UNIVERSE PHILIPPINES 2020 CANDIDATE
Proud lesbian din ang Filipino-Egyptian na si Weam Ahmed.
Kagaya ni Billie, si Weam ay kandidata rin sa Miss Universe Philippines 2020. Kinatawan niya ang lalawigan ng Davao del Norte.
Bagamat sinabi niya sa isang online interview na isa siyang bisexual, ipinaliwanag ni Weam sa PEP.ph exclusive interview na hindi pa siya tiyak kung bisexual ba siya o pansexual.
Ang bisexual ay sexual orientation kung saan ang tao ay nagkakagusto sa babae o lalaki.
Ang pansexual naman ay sexual orientation kung saan ang tao ay nagkakagusto sa kanyang kapwa—anuman ang sexual orientation, gender, at gender identity nito.
Ang sabi pa ni Weam, sa simula pa lang ay open at vocal na siya pagdating sa kanyang sekswalidad.
"I actually never really thought of 'officially' coming out.
"I felt like I was already out naman kasi,” saad niya sa PEP.
Pero na-highlight ang kanyang sexual orientation dahil kandidata siya sa isang national pageant.
Lumaki raw si Weam sa isang pamilyang supportive sa kung anuman ang sexual orientation nila.
Ang isa niyang kapatid ay isang transgender woman.
Ani Weam, “And mom encourages and supports a lot of things sa amin magkakapatid, no matter how weird, basta as long as you maintain a good spirit and heart lang.
"I guess that's an advantage sa amin—na pinalaki kami sa ganitong paraan.”
Isa ring trans man ang boyfriend ni Weam.
Ikinasisiya ni Weam na unti-unti nang ipinapakilala sa pageant industry ang LGBT members na kagaya niya.
Aniya, "Sobrang nakaka-proud. We're taking a big step towards us being recognized and more accepted na.
"I know na it's an inspiration to other people to not be afraid to be who they are anymore, or give them enough courage to be themselves without fear.
"Hindi agad-agad, pero dahan-dahan siyempre."
ARIELLE KEIL, MISS NEW ZEALAND 2020
Lumikha rin ng ingay noong November 2020, ang Filipino-German beauty queen na si Arielle Keil na kinoronahang Miss New Zealand Intercontinental.
Si Arielle, 26, ay isang transgender woman.
Magiging kinatawan siya ng New Zealand sa gaganaping Miss Intercontinental 2020 pageant.
Si Arielle ay isinilang sa Davao City at isang Pilipino ang kanyang ama.
Isinilang siya bilang si Andrew. Lumaki siya sa Auckland, New Zealand.
Pero nagawa na ni Arielle ang kanyang transition at sumailalim sa gender reassignment ngayong 2020.
Gayunpaman, masalimuot ang pinagdaanan ni Arielle.
Pinalayas siya ng kanyang mga magulang nang aminin sa kanila ang tungkol sa kanyang transition noong 2013.
“For the longest time. I feel like my parents didn’t know what to do with me because I wasn’t what they were hoping for," lahad ni Arielle, a.k.a. Ari, sa interview ng GMA News Online noong Nobyembre.
Kuwento pa niya nang palayasin siya sa bahay: "It was very hard for me at first because my Ate lives in the States so I don’t have family here in New Zealand outside of my parents. So I felt so alone for the longest time.”
Gayunpaman, unti-unti ay natuto siyang tanggapin ng kanyang ama.
"He’s done a complete 180 and he now accepts me as his daughter!" ani Ari.
"It’s been hard for him to accept the loss of his son, which I understand.
"It was hard for me to wrap my head around the fact I’m transgender, so it must have been just as hard for my dad too.”
Umaasa naman si Ari na balang araw ay matatanggap din siya ng kanyang ina.
Bagamat lumaki sa ibang bansa, very in touch pa rin si Ari sa kanyang Filipino roots.
Patuloy raw ang paghahanda niya sa Miss Intercontinental, kabilang na ang question-and-answer segment.
"My dad would help me too sometimes, when I tried to recreate Catriona’s slow-mo turn," ani Ari, pagtukoy sa nakilalang lakad ni Miss Universe 2018 Catriona Gray.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika