Abot-tainga ang matamis na ngiti ni Angelica Panganiban at ng non-showbiz boyfriend niyang si Gregg Homan.
Biyernes ng gabi, February 5, ibinahagi ni Angelica sa Instagram ang litrato nila ni Gregg na kuha sa Subic Bay.
Ito ang unang pagkakataong malinaw ang couple picture nila at matutukoy na si Gregg nga ang nobyo ng Kapamilya actress.
Si Gregg ay natukoy na may-ari ng kumpanyang nagdidisenyo, gumagawa, nagbebenta, at nagpaparenta ng boats at water crafts sa Subic.
Kasama nila ang kanilang alagang aso na pinangalanang Roxy.
Baby raw ng magkasintahan si Roxy.
Cute ang pose ng aso na naipit sa gitna nina Angelica at Gregg, na close na close sa kanilang pagkakaupo sa isang watercraft.
Caption ni Angelica, "Dad, Mom, make space for me? ‘Cause I’m the cutest' - Roxy"
Noong November 2020 unang naiulat ang pagkakaugnay ni Angelica kay Gregg.
January 1, 2021 naman nang kumpirmahin ni Angelica na masaya ang kanyang love life sa pagpasok ng Bagong Taon.
Ipinost pa noon ni Angelica ang kissing photo nila ni Gregg.
ANGELICA'S MOM BONDS WITH GREGG
Base sa Instagram Stories ni Angelica nitong February 5, boto rin kay Gregg ang adoptive mother ng aktres na si Annabelle Panganiban.
Isinama kasi ni Angelica sa Subic si Annabelle na nagdiwang ng kaarawan nito noong February 3.
Sa isang video clip, makikitang nag-enjoy si Annabelle habang tinuturuan ito ni Gregg na magmaneho ng motorboat.
"Balik niyo na po. Iyan. Para dumiretso," saad ni Gregg na binibigyan ng instruction si Annabelle.
Tuwang-tuwa naman ang ina ni Angelica.
Hirit ni Annabelle, "Ano ka ba? Angel, bili mo ako nito. Ayoko na ng kotse."
Napahalakhak naman si Angelica na siyang nagbi-video sa ina.
May mga kasama rin silang napatawa habang pinanonood si Annabelle.
ANGELICA'S CELEBRITY FRIENDS
Ikinatuwa naman ng mga kaibigang artista ni Angelica na makitang masaya ang love life ng aktres.
Ilan sa mga nag-react ng heart emoji ay sina Bea Alonzo, Maja Salvador, Melai Francisco, at Nadia Montenegro.
Lovestruck emojis ang comment ng bagong Kapamilya actress na si Janine Gutierrez.
Pinansin naman ni Barbie Imperial ang pagiging blooming ni Angelica, "Ganda talaga ng ate ko oh!!!"
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
