Hindi buntis si Pauleen Luna.
Pinabulaanan ng 32-year-old actress-TV host ang matagal nang nababalitang buntis daw siya sa second baby nila ng asawang veteran TV host-comedian na si Vic Sotto, 66.
January 30, 2016 nang ikinasal sina Vic at Pauleen.
November 6, 2017 naman nang isilang ni Pauleen ang firstborn nilang si Talitha, o Tali.
Kasabay ng sunud-sunod na balita ng pagbubuntis ng ilang celebrities sa nakalipas na mga buwan, lumutang ang tsismis na nagdadalantao raw muli si Pauleen.
Nitong Martes, February 9, sinagot ni Pauleen ang isyung ito nang isang fan ang diretsahang nag-usisa sa kanya.
Nagkomento ang fan sa Instagram post ni Pauleen nang araw na iyon.
Ibinahagi ng actress-TV host ang serye ng mga litrato ni Tali habang naliligo sa swimming pool nang hindi na kailangan pang alalayan.
Simpleng caption ni Pauleen: “My purpose [white heart emoji]”
Tanong ng fan (published as is): “preggy na po b kayo ult ms pauleen?? [smiling face with smiling eyes emoji]”
Sagot ni Pauleen: “no [smiling face emoji]”
Bukod kay Tali, mga anak din ni Vic sina Danica Sotto-Pingris, Oyo Sotto, Pasig City Mayor Vico Sotto, at Paulina Sotto-Llanes.
Sina Danica at Oyo ay anak ng Eat Bulaga! host sa dating asawa, ang aktres na si Dina Bonnevie.
Si Mayor Vico ay anak ni Vic sa veteran actress na si Coney Reyes.
Ang ina ni Paulina ay ang dating aktres na si Angela Luz.
Si Tali naman ang kaisa-isang anak ni Pauleen.
