Hindi uurungan ni Geneva Cruz ang mga itinuturing niyang online bullies.
Ang online bullies ay netizens na walang ginawa kundi mang-bash ng celebrities at personalities.
Simula nang mailabas dito sa PEP.ph (Philippine Entertainment Portal) ang ulat kung paano niya binuweltahan ang bashers kahapon, March 9, patuloy pa rin ang si Geneva sa paghahayag ng saloobin laban sa bashers na nanlalait sa kanyang singit.
Sa kanyang verified Facebook account, ibinahagi ni Geneva ang screenshot ng PEP.ph report sa followers niya.
Mensahe ng 44-year-old singer-actress sa caption: “Two babies came out of this body, and I don’t have to prove anything to anyone. I love my body for everything it has been through, good and bad.”
Sa comments section ng kanyang post, marami ang nakisimpatiya sa dating Smokey Mountain member.
Kinondena ng maraming followers ni Geneva ang walang pakundangang pangmamaliit ng bashers sa kanya.
Pero ayon sa aktres, hindi siya apektado. Wala raw siyang pakialam sa mga taong nangungutya sa singit niya dahil kanya naman daw yun.
Hindi man siya nasaktan, pero hindi raw niya palalampasin ang pambabastos ng mga ito.
Pahayag ng Your Face Sounds Familiar contender: “I’m okay. Pero pakialam nya sa singit ko, akin yun! Hehe!
“Pero di ko palalagpasin pag bastos, I will make his/her pangbabastos fun, but he/she will be the main star of the show! LOL #standuptoonlinebullies”
Paalala pa niya sa lahat: “Let’s try and be kind, maikli kasi ang buhay. I don’t want to be remembered as a prick, I wanna be remembered as someone who encouraged people to be better versions of themselves, and someone who was kind and full of life.
“Ingat kayo! Just got home from work. Exhausted but happy. Tomorrow ulit! Mwaaaaah!!!”
“BULLIES AREN’T WELCOME HERE”
Sa kanya namang Instagram Stories, muling pinaalala ni Geneva na hindi niya palalampasin ang mga bastos na tao.
Saad pa niya, “I will restrict their page, and then I will make their pangbabastos fun, but they will be the main star of the show!
“This is my page, bullies aren’t welcome here. #standuptobullies”
Ikinainis naman ni Geneva na karamihan sa mga nag-like sa bastos na komento ng basher laban sa kanya ay mga kapwa babae.
Sabi niya, “Women’s month is all about uplifting one another, and if you’re not a woman, show respect to our kind because your mother who gave birth to you is also a woman.
“And to those people who liked the comment of this man, ‘shame on you,’ halos puro babae pa naman kayo. #standuptoonlinebullying”
Tanong pa ni Geneva sa mga kapwa niya babae: “Where is your sense of womanhood? #sisterhood #women #standinguptoonlinebullies”
