Apektado masyado ang isang netizen sa karakter ng batikang aktor at direktor na si Michael de Mesa sa FPJ's Ang Probinsyano, ang long-running primetime series ng ABS-CBN.
Si Michael ay gumaganap bilang Ramil "Manager" Taduran, kasama ni Cardo Dalisay sa grupong Vendetta.
Si Cardo ay ginagampanan ni Coco Martin.
Sa kanyang Facebook, binalaan si Michael ng isang netizen—na halatang sobrang fan ng Ang Probinsyano—na kanya raw “titirahin sa ulo” at sa “t*t*” ang aktor kapag makita niya ito nang personal.
Ibinahagi ni Michael ang screenshot ng banta ng netizen sa Instagram noong Linggo, March 21.
Sabi ng netizen: “Hoy manager sana mamatay kna sa probinsyano mo
“Pag nakita kita sa personal. Titirahin kita sa ulo mo at t*t* mo”
Sabi ni Michael sa caption: “Ganun ba ako ka effective? [grinning squinting face emoji] Bro, teleserye lang yan.
"Wag masyadong seryoso. Positive vibes lang. Hahaha! [smiling face with smiling eyes emoji]”
CELEBS AND FANS REACT
Tawang-tawa naman dito ang showbiz friends ni Michael.
Ayon pa sa kanila, sobrang effective talaga ng kanyang pagganap.
Sabi ni Geneva Cruz: “Affected masyado si Kuya. LOL Ang galing mo naman kasi talaga! Ingat ka please.?”
Tugon ni Michael: “@genevacruzofficial hahaha. Thanks Gen. You too”
Napa-“OMG” naman si Bubbles Paraiso.
Natawa naman sina Will Devaughn at JC Tiuseco.
Tanong naman ni Lea Salonga: “Should I be worried, Mike?”
Sagot ni Michael, “@msleasalonga Well, technically it’s a death threat but no, don’t worry. I’ll be fine. Just putting it out there.”
Nag-react din sina Dennis Trillo, Lorna Tolentino, Almira Muhlach, Quezon City Vice Mayor Gian Sotto, at Franco Laurel.
NETIZEN APOLOGIZES
Ngayong araw, March 23, humingi ng dispensa ang netizen kay Michael.
Ayon sa mensahe nito: “Sir michael de mesa. Psensya na po PWD po ako na dala lng po ako sa galing mong pag arte galit n galit ako saginawa mo kay sir cardo s palabas nyo po . Sori po talaga! Gusto k mag sori s inyo kahit s harap.”
Sa bagong kaganapan sa palabas, bumaligtad ang karakter ni Michael na si Manager sa samahan nila ni Coco.
Sabi ni Michael sa caption, “Guys, nag sorry na siya! Thank you for having my back. Let this be a teachable moment for all of us.
“To be careful of what we say to each other online and in person. Basta good vibes lang tayo! (heart emoji)”
