Aminado si Kakai Bautista na malaki ang epekto ng pandemya sa kita ng mga artista.
Sa gaya niya na bukod sa pagiging komedyana ay isa rin siyang singer at host, naapekahit pa may oportunidad, mahirap pagsabay-sabayin ang magkakaibang proyekto.
Kuwento ni Kakai sa PEP.ph (Philippine Entertainment Portal) noong nag-mediacon sa Zoom ang First Yaya, "Kasi ano, kailangan niyong mag-usap-usap. Kailangang magbigayan nang very light 'tapos kailangan ahead iyong time pag sinabing may taping sa ganito, may taping sa ganyan. So kailangan hati-hatiin iyong time."
Di tulad ng dati, mahirap na ngayon mag-taping nang sabay-sabay para sa higit sa isang show.
Paliwanag ni Kakai, "Dati kasi puwede kang umuwi, 'tapos raraket ka diyan, taping ka diyan, 'tapos balik ka ulit dun sa isang show. Ngayon hindi, e.
"Kailangan mo talagang i-manage iyong time mo nang tama, na lahat ano, hindi mawawala."
Pero kahit na ma-manage nang maayos ang oras ay mayroon talagang proyekto na masa-sacrifice.
"Meron talagang isang show na magsa-sacrifice, kasi pag tinamaan talaga iyong schedule nun, 'tapos mas kailangan ako dito sa show na ito, iyon iyong ano, iyon iyong mananalo.
"So may isang mawawala."
Iniisip na lang ni Cacai na temporary ito.
"Pero okay lang kasi alam ko naman din na meron pang chance na bumalik. Wow," ang pagpapatawa pa ni Kakai.
Marami na raw siyang tinanggihang proyekto dahil dito.
"Madami na rin po kasi ano dahil marami pong lock-in so hindi ko na rin po magagawa.
"O kung okay lang po sa kanila, iyong kalahati ng katawan ko nasa First Yaya, 'tapos iyong kalahati nandun sa kabila, puwede naman siguro," at tumawa si Kakai.
Dagdag pa niya, "Pero hindi kasi puwede so give up na lang iyong iba.
"Hindi naman ako nagsisi, masaya naman."
Para raw silang isang buo at masayang pamilya sa set ng teleseryeng First Yaya, na umeere ngayon sa GMA-7.
Bida sa First Yaya sina Sanya Lopez (bilang si Melody Reyes) at Gabby Concepcion (bilang Glenn Acosta).
Nasa nabanggit na teleserye rin sina Sandy Andolong (Edna Reyes), Pancho Magno (Conrad Enriquez), Gardo Versoza (Congressman Luis Prado), Glenda Garcia (Marni Tupaz), at Pilar Pilapil (Blesilda Acosta).
Kasama rin sa serye ang tandem nina Cassy Legaspi (Niña Acosta) at Joaquin "JD" Domagoso (Jonas).
Also part of the cast: Boboy Garovillo (Florencio Reyes), Cai Cortez (Norma), Thia Tomalla (Val), Anjo Damiles (Jasper), Clarence Delgado (Nathan Acosta), Thou Reyes (Yessey Reyes) at sina Kiel Rodriguez, Analyn Barro, Jerick Dolormente, Princess Aguilar, Muriel Lomadilla, Nicki Morena, Allen Dizon, Frances Makil-Ignacio at Mikoy Morales.
Napapanood ang First Yaya tuwing Lunes hanggang Biyernes, alas otso ng gabi, sa direksyon nina LA Madridejos at Rechie del Carmen.