“Let us not cast a stone if we do not understand others.”
Bahagi ito ng caption ni Markki Stroem, 34, sa kanyang recent Instagram post.
Sinusuportahan kasi ni Markki ang mga relasyong hindi pa lubos na tanggap ng lipunan, o ang tinatawag na “taboo.”
Kabilang na rito ang same-sex relationship at ang pagkakaroon ng isang tao ng higit sa isang karelasyon.
Mapangahas ang larawan at konteksto ng post ni Markki, na iniintriga rin ang sekswalidad.
Noong nakaraang linggo, ipinost ni Markki ang isang larawan mula sa ginawa niyang Greek mythology-inspired nude photoshoot, na makikita sa isang membership online platform.
Ang nude fashion shoot ng singer/actor/radio DJ ay para sa pagsulong ng kanyang mga adhikain, kabilang na ang mental health awareness.
Sa post niya tungkol sa Greek gods, pabor si Markki kay Zeus, diyos ng langit at kidlat, sa kabila ng “erotic escapades” nito sa maraming partners.
Para kay Markki, “OKAY” lang ang pagkakaroon ng maraming partners ni Zeus, na pinakamataas na diyos sa Greek mythology.
Pinupuri ni Markki si Zeus dahil sa pagiging “open” nito kontra sa konserbatibong lipunan.
Post ni Markki, “The allfather! Zeus was respected among the Gods. He did have multiple partners and that IS OKAY.
“Zeus is an embodiment of a society that was more open & understanding.”
MARKKI STROEM ON OPEN RELATIONSHIPS
Ikinasisiya rin daw ni Markki na unti-unti nang natatanggap ng society ang iba’t ibang klaseng relasyon.
“It took years to overcome, but now people are more open to different kinds of relationships.
Sa sumunod niyang mensahe, tinutumbok ni Markki ang same-sex relationships o ang magkakarelasyong miyembro ng LGBTQ++ (lesbian, gay, bisexual, transgender, queer ++) community.
Aniya, ang panghuhusga sa mga ganitong klaseng relasyon ang nagtutulak sa iba na ilihim ang kanilang pagmamahalan.
Pang-unawa raw ang kailangan nila, ani Markki.
“We live in a world where sometimes people look down at relationships that are ‘unconventional’ as taboo," sabi ng singer-actor.
“This is what forces people to keep quiet about who THEY love, forcing them to keep their LOVE hidden.
“Whether you be a CIS gender heterosexual couple, or a loving transman and his non-binary partner.
“Maybe a throuple or a loving lesbian couple. It all comes down to UNDERSTANDING!”
Ang “throuple” ay terminong tumutukoy sa tatlong tao na pumayag maging magkakarelasyon.
Ang non-binary ay ang pakikipagrelasyon na hindi idinidikta ng kasarian ng tao.
Katuwiran pa ni Markki, sa kabila ng pagiging “polyamorous” o pagkakaroon ng maraming partners ni Zeus, nirerespeto pa rin siya ng mga kapwa niya diyos.
“The Gods respected Zeus even if he had his erotic escapades.
“He was probably considered ‘Polyamorous’ because he had multiple partners & who are we to judge him?
“He was still able to create some of the most important offspring! Some were even considered part of ‘the 12 Olympians’!”
Respeto at huwag husgahan ang ibang tao pagdating sa pagmamahal. Ito ang ipinupunto ni Markki.
“In the end of the day, everyone deserves to live their lives with joy and contentment.
“Let us not cast a stone if we do not understand others.
“It will only lead to misunderstanding and a lot of toxicity. It all boils down to RESPECT.
Panghuling mensahe ng actor-singer: “Sending out LOVE to all the wonderful relationships out there!
“Let us also respect those who have fallen in LOVE with themselves & are happy in a RELATIONSHIP WITH THEMSELVES [raising hand emoji].”
Biro pa niya, “Next time an auntie asks you, ‘when are you getting married?’, you know what to answer.”
Use these Adidas PH promo codes when you shop or order online. Marami pang ibang coupons dito.