Inalmahan ni Sunshine Cruz ang malisyosong posts ng ilang netizens sa Facebook ng larawan niya kasama ang tatlong anak na babae na sina Angelina, Samantha, Cheska, at isang lalaking foreigner.
Ngayong araw, May 11, nakiusap si Sunshine sa kanyang followers sa Facebook na tulungan siyang i-report ang isang page na may hindi magandang motibo sa pag-upload ng kanilang larawan.
Mababasa sa isang screenshot ng isang post ang salitang Cebuano.
Sabi sa caption: “Hooooy!!!! Nayabag na si angkol cesar ani” [Hooooy!!!! Nabaliw na si uncle cesar dito]
Ang tinutukoy na "uncle cesar" ng netizen ay ang ex-husband at ama ng mga anak ni Sunshine na si Cesar Montano.
Nagkomento si Sunshine sa post para sa page administrator na tanggalin na ang malisyoso nitong post.
Mensahe niya sa Facebook tungkol sa screenshot na in-upload niya: "Please report.. AYAW KOL"
Sa isang post naman ng netizen, nakalagay sa caption na “END OF AN ERA”
Ikinadismaya ni Sunshine ang kawalang galang ng ilang netizens sa kanilang mga babae.
Wala raw karapatan ang iba na ipahiya ang kanilang kapwa.
Sabi ng aktres, “I will never understand why people think making fun of other people is funny.
“No one has the right to humiliate others. What would you feel kung isa sa pamilya nyo ang gawing katatawanan?”
Dagdag pa niya, hindi naman siya humihingi ng respeto bagkus itrato lamang daw siyang tao. Wala naman daw ginagawa ang kanyang pamilya sa kanila.
Ani Sunshine, “It only shows the character na meron ang isang tao. Hindi ako humihingi ng respeto pero itrato nyo lang din akong tao.
“Pareho nyo nasasaktan din ako. Walang ginagawang masama ang pamilya ko kahit kanino.”