Bigong makapasok sa Top 10 ng Miss Universe 2020 ang pambato ng Pilipinas na si Rabiya Mateo.
Pagkatapos ng announcement ng Top 21 semifinalists ay rumampa ang mga natirang kandidata para sa Swimsuit Competition.
Mula sa 21 ay pinili ng board of judges, na puro mga babae, ang Top 10.
Ang mga nakapasok sa Top 10 sina Miqueal-Symone Williams ng Jamaica, Kimberly Jimenez ng Dominican Republic, Adline Castelino ng India, Janick Maceta Del Castillo ng Peru, Maria Thattil ng Australia, Estefanía Soto Torres ng Puerto Rico, Amanda Obdam ng Thailand, Ivonne Cerdas ng Costa Rica, Andrea Meza ng Mexico, at Julia Gama ng Brazil.
Ang susunod na round ay ang Evening Gown Competition kung saan pipiliin naman ang Top 5.
Ang 69th Miss Universe ay kasalukuyang ginaganap sa Seminole Hard Rock Hotel & Casino sa Hollywood, Florida.
Ang hosts ng grand coronation ay sina Mario Lopez at Miss Universe 2012 Olivia Culpo.
Use these Lazada vouchers when you shop or order online. Marami pang ibang coupons dito.