Matindi man ang labanan sa kakatapos na 69th Miss Universe coronation night, nangibabaw ang pagkakaibigan sa pagitan nina Miss Philippines Rabiya Mateo at Miss Thailand Amanda Obdam.
Sa social media, sina Rabiya at Amanda ang pinakamainit na pinag-usapan mula noong preliminary competition hanggang nitong finals night.
Bukod kasi sa pareho silang strong contenders ay marubdob din ang suporta ng Pinoy at Thai fans sa kanila.
Pero kakatwang huli sa aerial shot ng camera ang holding-hands-while-walking moment nina Rabiya at Amanda nang matapos ang pageant program.
Base ito sa video na kumakalat ngayon sa social media.
Kuha iyon habang pa-exit sila ng stage sa venue.
Si Amanda ay pasok sa Top 10 finalists, habang si Rabiya ay nakabilang sa Top 21 finalists ng Miss Universe 2020.
Nagwagi naman bilang Miss Universe 2020 si Andrea Meza ng Mexico.
PINOY FANS BASHING THAILAND
Hindi kaila na ilang araw umani si Amanda ng batikos mula sa Pinoy fans na nagsasabing copycat siya ni Miss Universe 2018 Catriona Gray, na pambato ng Pilipinas noon.
Base sa performance ni Miss Thailand, marami kasi ang nakapansin na kuha nito ang sexy pose at style ng pagrampa ni Catriona sa stage.
Noong May 5, ibinahagi ni Rabiya sa Philippine press na humingi siya ng paumanhin kay Amanda at pati na rin kay Nova Stevens ng Canada dahil sa toxic messages na natanggap ng mga ito mula sa Pinoy fans.
Umapela noon si Rabiya na sana ay tigilan na ang pagpakalat ng hate messages dahil hindi raw iyon ang nais niyang maging impression ng ibang bansa sa mga Filipino.
RABIYA AND AMANDA'S CAMARADERIE
Pinatotohanan nina Rabiya at Amanda ang mabuti nilang pakikitungo sa isa't isa dahil bago pa ang finals night ay may mga pagkakataong nagkakasama na sila.
Noong May 8 (Philippine time), unang nagkrus ang landas ng dalawa at ibinahagi pa ito ni Amanda sa kanyang Instagram Story.
"Finally meeting Miss Philippines!" masiglang sabi noon ni Amanda.
Sagot ni Rabiya, "Sawadee ka, Thailand!"
Nakangiting sabi ni Amanda, "Sawadee ka! Mabuhay!"
Nagkasama rin sila sa ibang photo at video shoots bago ang coronation night.
Nang umiyak si Rabiya matapos ang aberya na dinanas sa National Costume Competition noong Biyernes, May 14 (Philippine time), si Amanda ang isa sa beauty queens na nanguna sa pagbigay ng words of comfort para kay Rabiya.
"Beautiful" ang paglalarawan ni Amanda kay Rabiya na nagsuot noon ng Philippine flag at Victoria Secret Angel-inspired costume.
Use these Lazada vouchers when you shop or order online. Marami pang ibang coupons dito.