RIsa nang normal na manggagawa sa Los Angeles, California ang dating Eat Bulaga! co-host na si Ruby Rodriguez.
Sa kanyang Instagram kahapon, May 24 (petsa sa Pilipinas), ibinahagi ni Ruby ang kanyang selfie habang nasa trabaho.
Caption niya, “First day of new normal for moi (smiling face with smiling eyes emoji) #workinggirl #subwayislife”
Mababasa rin sa location na sa Philippine Consulate General sa Los Angeles, California nagtatrabaho si Ruby.
Hindi pa masyadong nagbigay ng detalye si Ruby tungkol sa bago niyang trabaho.
Pero nagpaabot naman ng suporta ang ilan niyang mga kaibigan sa comments section.
Kasama na ang dating kasamahan sa longest-running noontime show na si Pauleen Luna, ang dating aktres na si Krista Ranillo, celebrity hairstylist Pin Antonio, at ang dating GMA News personality na si Rhea Santos.
WHY RUBY IS NOT PART OF EAT BULAGA ANYMORE?
May ilang netizens ang nagkomento kung bakit hindi na nila napapanood sa Eat Bulaga si Ruby.
Sabi ng isa niyang follower, “kaya pala di na sya Ng eatbulaga. Titira na sys sa u.s.”
Tugon ng isa, "What I know is hinde sya umalis, Inalis sya. I felt really bad nung nalaman ko. But im happy for her."
Sagot naman ng isa pang netizen, "nakakapanghinayang naman, ang tagal ba nya s Bulaga ah."
Dagdag ng isa pa niyang follower, "Sobra nakakagalit paborito ko ksi sya. Pero I know shes better now. I hope and pray for he success para malaman nung mga taong nagtanggal sa kanya ang nawala sa kanila (crying emoji)"
Noong September 2020, isang cryptic comment ang sinagot ni Ruby sa isang netizen na nagtanong kung bakit hindi na siya napapanood sa noontime show.
Ayon sa netizen, “I miss you in Eat Bulaga Ms.Rubs. Babalik ka pa ba? Sina Pia, Ryan, Allan K, ryzza Mae nakaka pitch in pero ikaw Wala! Bat Ganon?"
Tugon ni Ruby, “sila tanungin mo.”
Halos tatlumpung taon naging co-host ng Eat Bulaga! si Ruby mula noong 1991.
Mananatiling bukas ang PEP.ph (Philippine Entertainment Portal) sa maaring ihayag ng Eat Bulaga! management ukol sa totoong estado ni Ruby sa show.