Mariing pinabulaanan ni Frankie Pangilinan na nabigyan siya ng pabor ng Makati City government kaya siya nabakunahan na ng COVID-19 vaccine.
Si Frankie ay panganay na anak nina Senator Francis “Kiko” Pangilinan at ng singer-actress na si Sharon Cuneta.
Sa kanyang Twitter noong Huwebes, May 20, ipinakita ni Frankie ang aktuwal na pagbakuna sa kanya.
Base sa kanyang caption, may asthma si Frankie kaya kabilang siya sa A3 (persons with comorbidities) category na mababakunahan.
Nasa tatlong kategorya pa lamang ang binabakunahan ngayon sa bansa: A1 (medical frontliners), A2 (senior citizens), at A3.
Banggit ni Frankie, “when i got an asthma attack mid-PE in middle school and everybody made fun of me i swore i would get back at them one day and here we are”
Ilang netizens na tila hindi informed ang bumatikos kay Frankie dahil nauna pa raw ito sa pila.
Pero ayon kay Frankie, ayaw na niyang pansinin ang mga ganitong klaseng komento.
Saad niya, “made a lighthearted quip about it and wanted to be transparent, but even that was misconstrued. everything i’ve done for the past year has been so dramatized and it’s rly tiring guys"
Hinikayat naman ni Frankie ang netizens na isipin ding baka may problema sa kalusugan ang ibang tao, at iginiit na hindi siya binigyan ng pabor ng Makati City.
Sabi niya, “hi i didn’t want to make this a big deal but have y’all ever thought maybe ppl have health issues u don’t know about, didn’t cut in line, got a text from makati gov saying i qualified, so i went, bc it’s the responsible thing to do"
Sana raw ay magpakita ng kaunting kabutihan ng loob ang ibang netizens.
Saad niya, “u don’t even have to know what people are going thru fr just be kind why is that so hard"
Hindi rin daw niya idodokumento ang kanyang vaccination kung sumingit siya sa pila ng bakunahan.
Aniya, "i had my own initial qualms about going precisely bc i thought abt the ppl who might better qualify, but if we all think like that how are we ever going to achieve herd immunity? and why would i post a video on a public platform if i cut in line??? pls my goodness gracious"
Inengganyo rin ni Frankie ang lahat na magpabakuna na para sa ating kaligtasan.
Mensahe pa niya, "i hope you’re all safe and healthy. and if you qualify, PLEASE get vaccinated not only for ur protection but for those around u."