Burado na sa Instagram ng nurse na si Neil Salvacion ang lahat ng larawan nila ng girlfriend na si Miss Universe Philippines 2020 Rabiya Mateo.
Ilang araw nang napansin ng netizens na wala na sa Instagram feed ni Neil ang larawan nila ng Ilongga beauty queen.
Anim na taon na ang relasyon nina Rabiya at Neil.
Isa sa mga hindi malilimutang post noon ni Neil sa Instagram ay ang pagbati niya kay Rabiya sa ika-24 kaarawan nito noong November 14, 2020.
Mensahe niya noon sa nobya: “Happy Birthday Love.
“I still get so emotional and felt so surreal seeing you achieving all the dreams and harvesting all the blessings you deserve for all the hardworks you've done since you were young.
“Being proud is an understatement to what I feel towards your success, you've sacrificed so much in life but manages to remain optimistic in whatever situation you've faced...
"I've learned so much in life thru you, and I know you'll use the influence you have to spread kindness and optimism to whoever you'll meet along the way.
“Stay Phenomenal my love!!!
“I LOVE YOU.”
NETIZENS ASK NEIL ABOUT THE DELETED PICTURES
Sa post ni Neil sa Instagram noong Lunes, May 24, inusisa siya ng kanyang followers kung bakit inalis niya ang mga larawan nila ni Rabiya.
Halos iisa ang tanong ng netizens kay Neil tungkol sa kanyang ginawa.
Walang sinagot si Neil sa mga ito.
Umaasa ang marami na baka nais lamang nilang gawing pribado ang kanilang relasyon.
Bagamat wala na ang kanilang mga larawan sa Instagram ni Neil, naka-follow pa rin sila sa isa’t isa.
NEIL-RABIYA LOVE STORY
Matapos makoronahang Miss Universe Philippines 2020 noong Oktubre, inamin ni Rabiya na mayroon na siyang boyfriend.
Ang tinutukoy niya ay si Neil, na nagtatrabahong nurse sa St. Luke’s Medical Center.
Siya rin ang kauna-unahang karelasyon ng beauty queen.
Sabi ni Rabiya, “We’ve been dating for six years. He’s my first boyfriend... We’ve been together since college."
Dagdag pa niya, “I can make a man stay!”
Very supportive daw si Neil sa pangarap ni Rabiya na maging Miss Universe Philippines.
Bago lumaban si Rabiya sa national pageant, nagkaroon daw sila ng sumpaan na kahit makuha niya ang korona ay hindi niya iiwan ang nobyo.
Nakangiting kuwento ni Rabiya, “He made me promise not to leave him even if I win the Miss Universe Philippines crown.
“I have a video stating that! He made me do that.”
At nakuha nga ni Rabiya ang korona.
Sa hiwalay na panayam ng Bombo Radyo Iloilo kay Rabiya noong November 2, 2020, sinabi ng beauty queen na ang kanyang boyfriend ay mula sa Sta. Barbara, Iloilo.
Malaki raw ang pasasalamat niya sa boyfriend na iniintindi nito ang pagiging busy ng kanyang schedule mula nang tanghalin siyang Miss Universe Philippines 2020.
Dagdag pa niya, isa si Neil sa nagbigay ng suwerte sa kanyang buhay.
Sabi ni Rabiya sa wikang Ilonggo, “May ara na ko migo. hahaha. 6 years na po.
“Buenas man ako sa iya. Actually proud gid siya ya noh.
“Pero gina-intindi ya gid ko subong. Like the busy schedule.
“Gina-intindi ya nga wala na ko masyado time para sa iya.
"Ang kailangan lang gid namon ni-remind nga even before the fame, I had him already.”
Ayon pa kay Rabiya, hindi siya tutulad sa iba na kapag nanalo ng korona ay iiwan na ang karelasyon nito.
Pangako niya, “Damo gahambal nga ang iban mabreak man na after having the crown.
“But we will make sure to work things out. If it's true love, it will never end.”
Hindi pinalad si Rabiya na maiuwi ang ikalimang korona ng Miss Universe sa bansa, pero umabot siya hanggang sa Top 21.
Use these Lazada vouchers when you shop or order online. Marami pang ibang coupons dito.