Nakaranas ng health scare ang bunsong anak nina Pops Fernandez at Martin Nievera na si Ram, dahilan upang i-confine ito sa ospital at lubos na mag-alala ang kanyang pamilya.
Subalit ayon kay Pops, gumaan na raw ang pakiramdam nilang mag-anak ngayon dahil “recovering” na si Ram.
Ibinahagi ito ni Pops sa kanyang Instagram account noong Biyernes, May 28, 2021, kabilang ang isang picture ni Ram na naka-confine sa ospital.
Kasama niya sa litrato si Pops, si Martin, at ang kuya ni Ram na si Robin.
Ayon kay Pops, “unexpected” ang nangyari kay Ram na umabot sa pagdala sa kanya sa ospital.
Kuwento ni Pops (published as is), “Something unexpected happened to Ram last week. We had a scare. He was brought to the hospital and tests were done.
“We worried, we cried and we prayed... a lot!”
Sa ngayon daw, “grateful and relieved” na si Pops dahil maayos na ang kalagayan ni Ram.
Patuloy niya (published as is), “I am posting cause Ram is recovering very well. We thank our family and friends who have prayed for Ram, and are continuously praying for him. We are so grateful and relieved.
“It is true, Health is wealth. And family, no matter what our situation is, is important, specially during times like these. Prayers are powerful.”
“God is good.”
Nagselbra si Ram ng kanyang ika-31 kaarawan noong January 26, 2021.