Nagsalita si Miss Universe 2018 Catriona Gray sa alegasyong may beauty queens na kumopya sa kanyang signature style and moves bilang former titleholder.
Sa Miss Universe 2020 pageant na ginanap noong May 16, 2021, may mga kandidatang nag-trend dahil gayang-gaya umano ng mga ito ang istilo at pagpo-project ni Catriona.
Naging trending topics nga sina Miss Thailand Amanda Obdam at Miss Indonesia Ayu Maulida, na ginaya umano ang mga galaw ni Catriona.
Hindi nakaligtas sa mga mapanuring netizens ang sinasabing panggagaya ng dalawang kandidata kaya sunud-sunod ang kanilang tweets.
Mula sa kilos, pagsasalita, at istilo ay gayang-gaya raw nina Amanda at Ayu si Catriona.
Naglabasan nga ang memes na nagpapakita ng pagkopya umano nina Miss Thailand at Miss Indonesia kay Catriona.
Miss Indonesia (left) and Miss Thailand (right) during the Miss Universe 2020 prelims. The two struck a pose very similar to Catriona's pose in the 2018 pageant.
CATRIONA ON "COPYCATS"
Para naman kay Catriona, mas pabor siyang tawagin itong kaparehas kesa sa pangongopya o copycat.
Wala rin daw siyang nakikitang masama lalo na kung nakatutulong ito sa kumpiyansa ng isang kandidata.
Ani Catriona, “I don’t know [if] I agree with the term of copycat.
“I understand the resemblance, perhaps, to my brand.”
Nagsalita si Catriona sa virtual media conference para sa kanyang music single na “Raise Your Flag” nitong Miyerkules, June 2.
Paliwanag ni Catriona, consistent ang “brand” niya simula pa noong kanyang Binibining Pilipinas journey hanggang Miss Universe journey.
Ang sinasabing brand ni Catriona ay ang kanyang signature lava walk, high-slit gowns, at iconic ear cuff.
Sabi ng Fil-Australian beauty queen, “Because I was very consistent with the ear cuff, and the turns, and the slit in the dress.
“My brand was very consistent from my nationals to Miss Universe, so I understand, maybe, resemblance and silhouettes.”
Pero ayaw raw sabihin ni Catriona na pag-aari niya ang na-establish na brand na ginaya ng iba.
“I don’t feel that I can take ownership of the side part, and the slit, and the dress, and then ear cuff.
“It’s not mine to own,” saad niya.
CATRIONA UNDERSTANDS A CANDIDATE’S JOURNEY
Bilang dating kandidata, nauunawaan daw ni Catriona kung gaano kahalaga para sa isang aspiring beauty queen na maramdaman niyang siya ay maganda.
Suportado raw niya ang sinumang kandidata anumang istilo nito, kung saan niya nararamdamang pinakamaganda siya.
“I also know in the journey of representing your country and pageantry, it is all about the girl wanting to feel her most beautiful, and her most empowered, and her most confident.
“So, if that is in a style that perhaps she feels that way, then own it.”
Hindi rin daw dapat ito maging dahilan para punahin ang isang kandidata.
Patuloy ni Catriona, “And it doesn’t necessarily put them at a disadvantage.
“People may have the recall, like, ‘Oh, that’s a similar dress.’ But each girl has her own journey.
“And if they’ve gone with that style, it means that they’re beautiful and confident in that.
“And who are we to say that it affects their journey? It’s their decision, it’s their journey and how they portray themselves.”
Use these Shopee vouchers when you shop or order online. Marami pang ibang coupons dito.