Hindi nagsasawang magpasalamat ni Ronnie Liang kay Sarah Geronimo-Guidicelli dahil sa kabaitan at pagiging supportive nito.
Last November 8, 2019, naging successful ang concert ni Ronnie titled “Love x Romance” at special guest dito si Sarah.
Sabi ng Pop Star Royalty during the concert, gusto raw niyang maging kamukha ng Pop Balladeer ang kanyang magiging anak.
At sa naturang concert rin ay kinanta ng dalawa ang song collaboration nila na pinamagatang “Liwanag.”
At nito lamang nakaraang linggo ay lumabas na ang official music video ng “Liwanag,” na mula sa concert ang ibang mga clips na ginamit sa music video.
“Finally ay lumabas na ang music video namin ni Sarah!
"Working with Sarah, it's such an honor. I’ll be forever grateful to her, for her kindness and generosity.
"I can still remember those moments with her sa concert, sa iisang stage.
"Imagine, sobrang busy niya pero she made time for me?
"Marami siyang pinasaya sa concert ko, lalung-lalo na ako," kuwento sa PEP.ph (Philippine Entertainment Portal) ni Ronnie sa pamamagitan ng e-mail ngayong Linggo ng tanghali, June 20.
“Matagal ko nang nakakasama si Sarah sa mga concert niya and mga out-of-town shows.
"Ako kasi ang special guest niya lagi and sa mga panahon na yun, very supportive siya sa akin.
"She would introduce me sa stage with pride. Talagang I felt her kindness.”
Matatandan din sa mga past interview ni Ronnie na ipinahayag niyang ultimate crush niya talaga si Sarah. Hanggang sa magkasama nga sila sa iisang management, ang Viva.
Hanggang ngayon ay very supportive sa career ng singer/actor sina Vic del Rosario, Veronique del Rosario at Vincent del Rosario. Hindi nila nakakalimutan si Ronnie lalo na sa mga out-of-town shows.
“For now, wala muna talagang live shows and nakaka-miss din talaga, pero I understand dahil may virus/pandemic.
"Pero looking forward ako na papayagan na ito soon.
“I can see the light at the end of the tunnel, especially if nakapag-create na tayo ng herd immunity and almost everyone has been vaccinated.
"I am praying and hoping na dumating na yung mga iba pang orders natin sa ibang bansa and pharmaceutical companies na mga vaccines,” dalangin niya.
Bakunado na rin si Ronnie kagaya ng ibang celebrity. Sa ngayon ay patuloy pa rin siya sa kanyang mga responsibilidad bilang isang army reservist.
Kamakailan ay naging ganap na siyang licensed private pilot.
Nominado rin siya sa nalalapit na 12th Star Awards for Music (ng Philippine Movie Press Club o PMPC) bilang Male Concert Performer of the Year.
Samantala, mapapanood ang music video ng “Liwanag” sa YouTube channel ni Ronnie at mapapanood din siya gabi-gabi sa Sing Galing bilang isa sa Jukebosses kasama sina Jessa Zaragoza at Rey Valera sa TV5, 6:30 pm.
Use these Adidas PH promo codes when you shop or order online. Marami pang ibang coupons dito.