Nais ni Josh Cullen Santos, 27, na matigil na ang running joke tungkol sa kanyang height.
Si Josh ay miyembro ng Pinoy Pop idol group na SB19. Kabilang din sa grupo sina Justin de Dios, Felip Jhon "Ken" Suson, Stellvester "Stell" Ajero, at John Pablo Nase.
Hindi raw natutuwa si Josh sa "height shaming" o madalas na pagpuna sa kanyang height na 5'6".
Tweet ni SB19 Josh noong July 23 (published as is):
"Ngayon lang ako magsasalita about dito. Siguro mas ok kung ilalabas ko ito in a way para ma educate yung mga tao na hindi nakakaramdam.
"Pero hindi niyo kina-cool ang pang hheight shaming. Hindi ako katangkaran katulad Justin at hindi rin ako pandak katulad ng inaakala niyo.
"Everytime na may masasabi na maliit, irerelate niyo agad sakin at sasabihin niyo kaagad na maliit ako.
"Hindi niyo kina angat yun. Yung totoo, wala na ba tayong maisip na ibang joke na masarap naman pakinggan?"
Ayon kay Josh, walang problema sa kanya ang pakikipagbiruan pero sumosobra na rin daw ang iba, lalo na kung naikukumpara siya sa ibang mga kagrupo.
"I'm 5'6. Hindi wide ang shoulders ko at body figure ko kaya I'm working hard para mag workout at maging ideal yung features ko.
"Di ako sensitive person, pero be mindful naman siguro na hindi sa lahat ng oras kailangan ganun yung biruan.
"Kahit mga kagrupo ko kinailangan ko pa kausapin about sa matter na 'to. Madalas ako makipag biruan sa lahat, pero siguro may limitations din.
"Minsan nakakarindi rin."
Ipinaalala rin ni Josh na hindi ang pisikal na hitsura ang sukatan ng pagkatao.
Sabi niya, "Hindi man ako ang pinaka matangkad, nakakapag produce naman ako ng malalaking bagay.
"Minsan yung mindset/paniniwala niyo na yung lumoloko sa inyo na pag nakita niyo ko in person mapapasigaw na 'ang tangkad mo pala sa personal' stop it."
HOW THE ISSUE STARTED
Ayon sa SB19 fans, posibleng narindi si Josh dahil sa dami ng pumupuna sa height nito sa TikTok account ng grupo.
NOTHING WRONG WITH JOSH'S HEIGHT
Tumalima naman ang fans at pinaalalahan ang iba na hindi tama ang height shaming.
Sabi pa ng isang netizen (published as is): "Josh height is a normal height for a Filipino actually mas matangkad pa sa normal na filipino Ang normal kasi height ng isang lalaking pilipino ay 5'4.
"Yung mga nakikita nyong matatangkad na filipino sa TV most likely mixed race o may halong lahi sila
"Hindi katangkaran ang mga pinoy Totoo yon wag nyong isipin na yung height ng pinoy ay kasing tangkad ng isang american citizen my ghad."
"YOU ARE ENOUGH"
May fans din ang nagsabing pati ang ibang SB19 members ay hindi ginagawang biro ang height ni Josh.
Kaya pinaalalahan ng fans ang isa't isa na huwag nang pagtalunan ang isyu.
Sabi pa ng fan ni Josh, "I'm sorry, in behalf of them. Ako yung nahihiya, you don't deserve this in the first place.
"I hope this will not affect your self-esteem, 'cause for me you're not perfect but you are enough, and you are loved."
Watch this PEP Exclusives with SB19 at PEP HQ:
Watch this virtual interview with SB19 on PEP Exclusives: