Break na ang singer-actress na si Ciara Sotto sa kanyang Filipino-American boyfriend na si Ian Austin.
Inamin ito ni Ciara sa kanyang question-and-answer session sa YouTube noong July 2, na siya ring araw ng kanyang 41st birthday.
Isa sa mga tabong sa kanya ay kung magpapakasal na ba siyang muli.
“No, I’m not getting married!” natawang sagot ni Ciara.
Pagdidiin pa niya, “I’m not getting married anytime soon.”
Dito na niya inaming hindi pa siya magpapakasal ngayon dahil single siyang muli. Break na raw sila ni Ian.
Bago pa man magkaroon ng Birthday Q&A si Ciara sa kanyang You Tube account na 'Ciara Sotto,' may mga nakapansing matagal na siyang hindi nagpu-post ng pictures at videos kasama si Ian.
Sinagot ni Ciara ang diretsong tanong ng netizen kung "together" pa sila ni Ian.
“Nope. Sorry, I’m single now,” nakangiting pag-amin ni Ciara.
“That answers the question too why I don’t have plans of getting married. Because I’m single again.”
Natawa pa niyang hirit, “End of conversation."
Kasunod nito ay nagpahiwatig siya kung ano ang dahilan ng breakup nila.
Ayon kay Ciara, “Sometimes things don’t work out and, yeah, I’m single again.
“I just feel that when something has to end, just end it, especially when you have peace in your heart.
“And when things are not working anymore, you just have to let things go and wait for God to surprise you again.”
Nang makausap ng PEP.ph (Philippine Entertainment Portal) si Ciara sa pamamagitan ng chat, sinabi nitong ilang buwan na ang nakalilipas mula nang mag-break sila ni Ian.
Nagkakilala sina Ciara at Ian sa Las Vegas, ngunit nakabase sa Pilipinas ang mga magulang ng binata.
Nagsimula sila sa long-distance relationship hanggang sa magdesisyon si Ian na dito na rin sa Pilipinas manirahan.
Mahigit dalawang taon ang itinagal ng relasyon nina Ciara at Ian.
FORGIVING HER EX-HUSBAND
Sa Q&A niya sa YouTube, may nagtanong din kung napatawad na ba ni Ciara ang kanyang ex-husband na si Joe Oconer, na ama ng anak niyang si Crixus.
Naghiwalay sila dahil sa may ibang babae umano noon si Joe.
“Of course, napatawad ko na siya,” sagot ni Ciara.
“It’s really hard if you harbor unforgiveness in your heart. I mean, when you forgive someone, you do it for yourself, it’s not for the person.
"It doesn’t get the person off the hook. I mean, whatever that person does, it’s already his problem.
"Yeah, it’s always best to forgive and I do not want my son to grow up knowing he has a very unforgiving mom.
“Yes, napatawad ko na siya and we’re friends. And maybe, one of these days, I’ll guest him naman in my vlog.”
Kumusta ang relationship nila ngayon si Joe?
Sabi ni Ciara, “Oh, we’re friends, we’re really, really good friends. As in friends that, you know, we can see each other anytime, call each other anytime.
“You know, he knows me well and I know him well. We’re good friends.”
Friends din daw ba niya ang kanyang ex-boyfriends gaya nina Onemig Bondoc at John Lloyd Cruz?
Sagot ni Ciara, “I’m friends with almost all of my exes. But not chummy-chummy, you know what I’m saying?
“But, yeah, I’m friends with them and they can text me anytime.”