Inamin ni Dina Bonnevie, 60, na ilang beses na siyang nakaengkuwentro ng younger co-star na nakitaan niya ng diva attitude.
Bilang beteranang aktres, siya raw ang tipong hindi palalampasin kapag hindi propesyunal sa trabaho ang kasama niya sa set.
Kuwento ni Dina sa PEP.ph (Philippine Entertainment Portal), "Actually, madami nang times. Ang problema ko kasi I'm too open.
"I'm black and white. Wala akong gray. I say what I feel.
"Hindi ko kayang magpaka-plastic."
Umaabot daw sa puntong kukomprontahin niya talaga ang artista.
"In the beginning, sige, pakikisamahan ko. But when I can't take it anymore, I have to tell the person.
"'This is not the way to be professional. If you have to last in the industry, you have to be professional.
"'Don't do this. Be mindful of your co-workers kasi hindi lang naman tayo ang nagtatrabaho dito, lahat tayo. Naaapektuhan yung production.'"
May mga pagkakataong pasaway at hindi raw talaga umaayos ang ugali ng ibang artista.
"Pero kung makikinig naman, di okay, friends kami. Pero kung hindi, ay, naku! Ina- avoid ko na lang.
"Bahala siya pag pangit pag-perform niya, hindi ako magko-comment, bahala siya.
"Madami na, but I don't wanna name names."
dina recalls CO-STAR DISREPECTING THEIR DIRECTOR
Ayon kay Dina, "mortal sin" para sa kanya yung nale-late sa set at pinaghihintay ang mga katrabaho.
Pero lalo raw siyang naiirita sa kabataang artista na walang pagpapahalaga sa trabaho at ultimo linya ay hindi pinaghandaan.
Balik-tanaw ng aktres tungkol sa isang unprofessional co-star niya noon, "Minsan, sige, on time, pero what really pisses me off is kunyari nag-eeksena na kayo, nagre-rehearse, tapos asa phone.
"Tapos yung director pa ang tatanungin, 'Direk, ano nga yung line ko?'
"Parang, wow! For me, that is a total disrepect to your director. Kasi hindi trabaho ng director kung anong linya mo.
"You should know your lines. Hindi yung, 'Direk, Direk, ano nga ito?' E, may mga mabait naman na director, 'Ah, eto sasabihin mo.'"
Nakapanayam ng PEP.ph si Dina sa virtual media conference ng The World Between Us, ang bagong prime-time series sa GMA Network na pinagbibidahan nina Alden Richards at Jasmine Curtis-Smith.
Siniguro naman ni Dina na wala siyang problema kina Alden at Jasmine, na inilarawan niyang parehong "very passionate at professional" pagdating sa pag-arte
how STARS SHOULD treat their craft
Balik sa mga engkuwentro niya sa unprofessional stars, iginiit ni Dina na mahalaga sa artistang magpursige sa trabaho.
Paliwanag niya: "For me, ang trabaho ng isang artista, memoryahin mo linya mo, to come on time, to be properly prepared for the scene.
"Kung hindi ka masyado marunong mag-make up, hindi ka marunong mag-style ng buhok mo o style mo, okay lang yun, kasi hindi mo naman trabaho yun.
"Pero if you fail in trying to portray your role, sa pag-memorize ng linya mo and coming on time, mortal sin yun for me. You're not professional and you do not love your job.
"Because if you love your job, you will read your script, you will study your role, think of nuances that you can make to mark your character."
Pinag-aaralan daw ang pag-aartista at hindi lang basta para lang kumita ng malaking pera.
Payo pa ni Dina: "Kung merong changes yung character mo, may transition, isipin mo kung ano ang pwedeng nuances sa ganitong part ng story para makikita ng audience yung growth.
"Kapag di mo inaaral yun, di ka artista. You're just there for the money.
"I respect people who are in the industry because they love to act and they love their craft and they keep honing their craft.
"Because you never stop growing. The moment you think na, 'Ay, magaling na ako. Lahat ng role kaya ko gampanan.' That's it. That's your death as an actor.
"You should continue to grow and to keep honing your craft. You're not there just for the money."