Nag-sorry si Maureen Wroblewitz, 22, dahil nagsinungaling daw siya tungkol sa pagsali niya sa Miss Universe Philippines (MUP) 2021.
Lunes, July 19, 2021, inilabas ang listahan ng Top 100 MUP 2021 candidates, at kasama rito si Maureen at ang former Pinoy Big Brother housemate na si Kisses Delavin.
Pero bago pa man ilabas ang listahan, maugong na ang pagsali ni Maureen sa national pageant.
Lagi namang sinasabi ni Maureen na bagamat bukas siya sa posibilidad, hindi pa siya sigurado at kailangan pa niya itong paghandaan.
Ganito ang nangyari nito lamang June, nang mag-leak ang kanyang larawan na pumunta sa screening ng kinabibilangang pageant camp, para maging flag-bearer sa Miss Universe Philippines.
Kasunod nito, tinanong si Maureen kung sasali siya sa MUP pageant, pero maligoy ang sagot ng Filipino-German model.
Aniya, “Not so sure yet, because this is the year I’ve heard that you have the least preparation time. And I really wanna be ready if I do join.”
Ito ang inihingi ng sorry ni Maureen sa kanyang Instagram post ngayong Martes, July 20.
Mensahe niya: “Surprise! I apologize for the white lies. As difficult as it was, I had to keep this a secret.”
Pinasalamatan ni Maureen ang lahat ng mga sumusuporta sa pagsabak niya sa bagong yugtong ito ng kanyang buhay.
Ipinagtanggol din niya ang kanyang mga nakaraang pahayag tungkol sa pagsali sa national beauty pageant.
Ani Maureen, “This is the new chapter I’ve talked about in a recent post and I humbly ask for your continued support.
“It’s true what I’ve said in my interviews. I’ve always considered dipping my toes in pageantry and committing to it when I felt ready.
“It was not until I received my sign from the Universe, that I knew I couldn’t wait for that feeling of readiness and that I’d have to take that first step in order to feel ready.”
Sa kabila raw ng nararamdamang takot, sumali siya sa pageant dahil ayaw niyang pagsisihan ang hindi pagsali balang araw.
“I’ve shared the importance of getting out of your comfort zone as a means to grow as a person and that’s what I’m doing once again.
“This feels new and to be honest, I’m terrified but I’ve come to realize that I just fear the unknown.
“What I fear most though is living a life of regrets. I don’t want to grow old thinking that I should’ve joined, alternatively I would like to say ‘I’m glad I’ve joined’.”
Sana raw ay magsilbi siyang inspirasyon sa lahat ng may pangarap sa buhay.
Sabi ni Maureen, “You can achieve anything you put your mind to and sometimes if you believe hard enough the Universe will conspire in helping you succeed.”
Nakilala nang husto si Maureen nang maging grand winner siya sa Asia’s Next Top Model Cycle 5 noong 2017.
Kasunod nito, kinuha siya bilang pansamantalang co-host sa Eat Bulaga! noong 2018.
Kasalukuyang karelasyon ni Maureen ang singer na si JK Labajo.
Samantala, ang Top 100 sa MUP 2021 pageant ay first cut pa lamang.
Mula rito ay pipiliin ang Top 30 na maglalaban-laban para sa coronation night na mangyayari sa September 25, 2021.
Kung sinuman ang mananalo ang magiging kinatawan ng Pilipinas sa Miss Universe 2021.
Use these foodpanda vouchers when you shop or order online. Marami pang ibang coupons dito.