Humihingi ng dasal ang partner ni Raymund Isaac dahil kasalukuyang nasa ospital ang sikat na celebrity photographer bunsod umano ng COVID-19 infection.
Nasa intensive care unit ng isang ospital sa San Francisco, California, U.S.A. si Raymund at binabantayan ng kanyang partner si Jayson Vicente.
Si Jayson ay nagtatrabaho bilang account manager sa studio ni Raymund.
Sa kanyang Facebook post noong Biyernes, August 6, ibinalita ni Jayson na kailangan nang ma-intubate ni Raymund dahil sa pagbagsak ng oxygen level nito.
Post ni Jayson (published as is): “Sadly, despite my visits, Raymund’s continues to be anxious & doesn’t sleep.
“As a result, his O2 levels drop & the pneumonia isn’t resolved. The medical team had no choice but to intubate him & force him to sleep.”
Panawagan niya, “Please po keep the PRAYERS for him.
“To be honest I’m scared but I need to be strong for him. I LOVE HIM VERY VERY MUCH.
"HE’S MY EVERYTHING.”
RAYMUND FLIES TO U.S.
Noong Juy 12, 2021, nag-post si Raymund sa Facebook upang ibahagi na nakarating siya sa Las Vegas, U.S.A., kasama si Jayson.
Ipinost pa nga ni Raymund ang larawan nang makasalubong nila roon ang aktor na si Piolo Pascual.
July 13, binanggit ni Raymund na mayroon siyang shoot sa Caesars Palace, pero hindi siya nagdetalye kung para saan ito.
July 14, nag-post ang photographer ng mga larawan niyang kuha sa Nelson Nevada Ghost Town sa Boulder City.
Pagsapit ng July 24, ipinaalam ni Raymund via Facebook post na isinugod siya sa California Pacific Medical Center dahil sa mababang oxygen level.
“Friends I need all your prayers now. I was rushed to CMPC SAN FO hospital this morning due to lack of oxygen.
“I am alone here in the hospital due to Covid rules. It’s scary to be in a place where you don’t know anyone.
Panawagan niya, “Include me please in your prayers. Even Jayson Vicente can’t be with me now.”
Sa July 29 post ni Jayson, sinabi nitong bumubuti na ang lagay ni Raymund, pero mino-monitor pa rin ito.
Nang tanungin daw ni Jayson si Raymund sa mga nagtatanong kung ano ang sakit nito, sagot daw ng photographer, "Tell them the truth and how difficult it really is."
Pero hindi tinukoy ni Jayson ang karamdaman ni Raymund.
Patuloy rin daw ang paglaban ni Raymund para bumuti ang kanyang kalagayan.
RAYMUND INTUBATED
August 4, ibinalita ni Jayson na bumuti na ang kalagayan ni Raymund.
Sabi ni Jayson (published as is), “I am so relieved to let you all know that for the past two days, 8/2 & 8/3, I was with Raymund in his ICU room.
“I have been able to care for him, and reassure him that he’s going to be OK. We’ve noticed some improvement and hope that this continues.
“Pls continue to keep him in your prayers so he can be transferred back to a regular room soon…
“Salamat po. Lalaban po kmi.”
Nag-message pa ang ilang celebrity friends ni Raymund gaya nina Vilma Santos, Lea Salonga, Carmina Villarroel, at Janice de Belen.
Sa pinakahuling update ni Jayson ay noong Biyernes, August 6, sinabi nga nitong na-intubate ang kilalang photographer.
Samantala, isang kaibigan nila ang nagkomento at sinabing nag-update sa kanya si Jayson.
Direkta nitong sinabi na COVID ang dahilan ng pagkaka-confine ni Raymund, at nanawagan din ito ng mas marami pang dasal para sa photographer.
