Nananatiling mataas ang kumpiyansa ni Kisses Delavin sa kabila ng maraming puna at kritisismo sa kanya bilang kandidata ng Miss Universe Philippines 2021 pageant.
Sa paglabas ng runway video challenge ng top 75 candidates, inulan ng puna ang pananamit at pasarela walk ng former Pinoy Big Brother: Lucky 7 housemate.
Ang iba, sinasabing hindi pa raw time ni Kisses para manalo.
Pero sa kabila ng mixed reactions, sinabi ni Kisses na “very confident” siya sa kanyang pageant journey.
Malaki raw ang tulong kay Kisses na nag-train siya sa kilalang pageant camp na Aces and Queens.
“I feel very blessed to be in this moment in time, to be in here, to be competing with girls that are equally accomplished, and equally empowered.
“I feel blessed.
“At the same time, I feel very confident because I carry in my heart all those Filipino people who would also like to be on that stage,” sabi ni Kisses sa ipinost na interview ng pageant expert na si Gerry Diaz.
Bukod kay Kisses, 14 pang kasamahan niya mula sa Aces and Queens ang pasok sa Top 75.
Ano ang pakiramdam ni Kisses na napabilang siya sa Top 75?
“I feel I aced it, ganun,” masaya niyang sagot.
Ang Top 30 lamang ang uusad sa grand coronation ng Miss Universe Philippines 2021 na gaganapin sa Setyembre 2021.
Desidido rin si Kisses na ituluy-tuloy ang ang training habang pinipili pa ang Top 30.
“I expect to be trained by the best, and hopefully, I absorb everything and just be open to learning from everybody,” aniya tungkol sa kinabibilangang pageant camp.
"NEEDS MORE PRACTICE"
Dahil sa pagiging celebrity, isa si Kisses sa pinag-uusapang kandidata sa Miss Universe Philippines 2021.
Hindi maikakailang mayroon siyang malaking fan base.
Patunay rito ang pangunguna niya sa pageant activities, gaya ng introduction video challenge at headshot challenge, para makapasok sa Top 75 candidates.
Ongoing ngayon ang runway video challenge ng Top 75 candidates.
Halo-halo ang reaksiyon ng netizens.
May mga hindi natuwa sa kanyang hitsura at pasarela sa runway video niya. Marami rin ang nagkomento na kulang pa raw sa practice si Kisses.
Narito ang ilan sa mga komento sa kanya:
Sabi ng ilang netizens, bagamat gusto nila si Kisses, malabo raw siyang manalo ngayong taon. Mas malaki ang tsansa nitong manalo sa susunod na pagsali niya.
Sa kabila nito, ang iba naman ay hopeful na may oras pa para mag-improve si Kisses.
Marami ring artista ang nagpakita ng suporta kay Kisses, kabilang na si Rita Avila.
Sa comments section, sinabi ni Rita na suportado niya si Kisses dahil sa magandang asal nito. Patuloy rin ang suporta niya kay Kisses sa kabila ng bashers.
Kabilang din sa nagpahayag ng suporta sa kanya sina Barbie Imperial, Loisa Andalio, Elisse Joson, Kim Rodriguez, at beauty queens na sina Kylie Verzosa, Bea Rose Santiago, at Katarina Rodriguez.
Use these Zalora vouchers when you shop or order online. Marami pang ibang coupons dito.