Inamin ni Korina Sanchez na minsan niyang ninais manilbihan sa bayan sakaling siya ay naging First Lady.
Ganun din daw ang asawang si Mar Roxas kung pinalad ito noong 2016 presidential elections.
Sa panayam ng Politiko kay Korina kahapon, September 1, sinabi ng veteran broadcaster na bago pa ang 2016 elections ay gusto na niyang makapagsilbi sa bayan.
Saad niya, “If you really wanna make a difference in this world—well, now, may be not in a very big way—because as a politician...
"And that is why also I signed up on it—the prospect of being partners with the highest leader of the land and I was all for it—kasi feeling ko, I can also make a bigger difference in that position.
"Even in Mar’s case, that’s all he really wanted, to make the biggest difference, the biggest way possible for the most number of people.
"And you can only do that if you’re president of the country."
Pero pinutakte siya ng trolls noon.
Sabi ni Korina, "So siyempre, maraming mga nega, gusto ko ipa-deport sa ibang planeta!"
Kontra raw ng mga kritiko niya noon, "Wow gusto lang niya maging first lady? Talaga?"
Sabi naman ni Korina, "Oo, gusto ko, kasi gusto ko manilbihan, may problema ka ba dun?"
Deadma si Korina sa mga tinawag niyang "troll" o keyboard warrior na umaatake sa sinumang kliyente na nagbabayad dito.
Sabi ni Korina: "Pero nagkalat naman lahat ng mga troll na 'yan.
"Kaya sinabi ko respetuhan na lang ng propesyon. So, nirerespeto ko ang propesyon ng mga kawawang batang 'yan, na binabayaran para magpaka-nega.
"Kawawa naman ang mga magulang din ng mga batang 'yan, para magpaka-nega at manira ng buhay ng tao.
"E, pabayaan mo na sila, malalaki na sila, desisyon nila yun.
"At desisyon ko rin na huwag na silang pagpapansinin."
Noong 2016 elections, natalo si Mar ni Davao City Mayor Rodrigo Duterte sa pagka-presidente ng bansa.
Sinubukan muli ni Mar na tumakbo bilang senador noong 2019 elections, pero hindi rin siya pinalad.
Ayon kay Korina, wala nang balak ang asawa na pumalaot sa eleksyon sa susunod na taon.