Tinamaan ng COVID-19 ang beauty queen at national director ng Miss Universe Philippines na si Shamcey Supsup.
Ibinahagi niya ito sa isang Instagram post kahapon, September 11, 2021.
Sa simula pa lang ng post ay masayang sinabi ni Shamcey na siya ay "Covid-free" na.
Sa sumunod na bahagi ng kanyang post ay ikinuwento ni Shamcey kung paano niya nalamang may COVID-19 sila ng asawa niyang si Lloyd Lee.
Ang nakakagulat lang daw dito ay fully vaccinated na sila sa kanilang household.
Saad ni Shamcey, "A few weeks ago, what we all thought was just a simple flu turned out to be covid. It came as a shock because we were all fully vaccinated but we still got infected and even had mild to moderate symptoms."
Nagkaroon daw si Shamcey ng "really really bad flu" at nawalan din siya ng panlasa at pang-amoy.
"I would describe it as a really really bad flu. It was also the first time that I've experienced a total loss of smell and taste. Lucky enough, we were able to get better at home.
"Praying for everyone's safety and for the pandemic to end soon," pagwawakas ni Shamcey sa kanyang Instagram post.
Gumaling si Shamcey mula sa COVID-19 dalawang linggo bago ang nakatakdang petsa para sa coronation night ng Miss Universe Philippines 2021. Ito ay magaganap sa darating na September 25.
Tatlumpung kandidata ang maglalaban-laban para sumunod sa yapak ng reigning queen na si Rabiya Mateo at lumaban sa Miss Universe 2021 pageant sa December.